ନୂଆଦିଲ୍ଲୀ: କୋରୋନା ମହାମାରୀର ଭାରତର ଷ୍ଟ୍ରେନକୁ ନେଇ ରହିଥିବା ସମସ୍ତ ବିଷୟବସ୍ତୁକୁ ହଟାଇବା ପାଇଁ ଭାରତ ସରକାର ସାମାଜିକ ଗଣମାଧ୍ୟମକୁ ନିର୍ଦ୍ଦେଶ ଦେଇଛନ୍ତି । ଏହି ଖବର ସେୟାର ହେବା ଦ୍ବାରା ମହାମାରୀ ବିରୋଧରେ ଲୋକଙ୍କ ନିକଟକୁ ଭୁଲ ଖବର ଯାଉଛି ବୋଲି ସେ କହିଛନ୍ତି ।
ବିଶ୍ବ ସ୍ବାସ୍ଥ୍ୟ ସଂଗଠନ(WHO) କୋରୋନା ମହାମାରୀର B.1.617 ଷ୍ଟ୍ରେନକୁ ଭାରତୀୟ ଷ୍ଟ୍ରେନ ବୋଲି କୌଣସି ରିପୋର୍ଟ କହିନଥିବା ଭାରତୀୟ ସରକାର କହିଛନ୍ତି । ଏଥିଲାଗି ସମସ୍ତ ସାମାଜିକ ଗଣମାଧ୍ୟମରୁ ଭାରତୀୟ ଷ୍ଟ୍ରେନ ବିଷୟବସ୍ତୁକୁ ହଟାଇବା ପାଇଁ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ନିର୍ଦ୍ଦେଶ ଦେଇଛି । ଏ ସମ୍ପର୍କରେ ମନ୍ତ୍ରଣାଳୟ ପକ୍ଷରୁ ଶୁକ୍ରବାର ଏକ ନିର୍ଦ୍ଦେଶନାମା ଜାରି କରାଯାଇଛି ।
ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ମେ 12 ତାରିଖରେ ସାମ୍ବାଦିକ ସମ୍ମିଳନୀରେ ଏ ସମ୍ପର୍କରେ ସ୍ପଷ୍ଟୀକରଣ ଦିଆସରିଛି ବୋଲି ମଧ୍ୟ ସୂଚନା ପ୍ରଯୁକ୍ତିବିଦ୍ୟା ବିଭାଗ ପକ୍ଷରୁ କୁହାଯାଇଛି । ପୂର୍ବରୁ ସରକାରଙ୍କ ଆଇଟି ବିଭାଗ ପକ୍ଷରୁ କୋରୋନା ସମ୍ପର୍କିତ କୌଣସି ମିଥ୍ୟା ଖବର ପ୍ରସାରଣ କରିବାକୁ ଲୋକମାନଙ୍କୁ ବାରଣ କରାଯାଇଥିଲା ।
@PTI
