ଚଣ୍ଡୀଗଡ: ଅତ୍ଯାଧୁନିକ ଯୁଦ୍ଧବିମାନ ରାଫେଲ ଜେଟ୍ ଆକୃତିର ଗାଡି ପ୍ରସ୍ତୁତ କଲେ ପଞ୍ଜାବର ଆର୍କିଟେକ୍ । ତେବେ ଏହା ଯୁଦ୍ଧକ୍ଷେତ୍ର କିମ୍ବା ଆକାଶରେ ଉଡିବ ନି, ବରଂ ରାସ୍ତାରେ ଗଡୁଥିବା ରାଫେଲ । ଏଭଳି ଦୃଶ୍ୟ ଦେଖିବାକୁ ମିଳିଛି ପଞ୍ଜାବର ଭଟିଣ୍ଡାରେ ।
ରାଫେଲ ଜେଟରୁ ଅନୁପ୍ରାଣିତ ହୋଇ ପଞ୍ଜାବ ଭଟିଣ୍ଡାର ଆର୍କିଟେକ୍ ରାମପାଲ ବେହନିୱାଲ 'ପଞ୍ଜାବ ରାଫେଲ' ନାମକ ଏକ ଗାଡି ପ୍ରସ୍ତୁତ କରିଛନ୍ତି । ଯାହା ସମ୍ପୂର୍ଣ୍ଣ ସ୍ବଦେଶୀ ଜ୍ଞାନକୌଶଳରେ ନିର୍ମିତ କରାଯାଇଛି । ଏହି ରାଫେଲ ଆକୃତିର ଗାଡି ପ୍ରସ୍ତୁତ କରି ଲୋକଙ୍କୁ ରାଫେଲର ମଜା ପ୍ରଦାନ କରୁଛନ୍ତି । ଯାହା ସମ୍ପୂର୍ଣ୍ଣ ସ୍ବଦେଶୀ ଜ୍ଞାନକୌଶଳରେ ପ୍ରସ୍ତୁତ ଏବଂ ନିଜସ୍ବ ଖର୍ଚ୍ଚରେ ପ୍ରସ୍ତୁତ କରିଛନ୍ତି ।
ଏହି ରାଫେଲ ଜେଟ ଆକୃତିର ଗାଡିରେ ଚକ, ଷ୍ଟିୟରିଂ ଏବଂ କାରର ଇଞ୍ଜିନ ବ୍ୟବହାର କରାଯାଇଛି । ରାଫେଲ ଦେଖିବାକୁ ଯେ ଭଳି ଥାଏ ଠିକ ସେହି ଭଳି 'ପଞ୍ଜାବ ରାଫେଲ' ପ୍ରସ୍ତୁତ ହୋଇଛି । ଏକା ସାଙ୍ଗରେ 5 ଜଣ ଛାତ୍ରଛାତ୍ରୀ ବସିପାରିବେ । ଯାହା ଘଣ୍ଟାକୁ 15 ରୁ 20 କିମ ବେଗରେ ଗତି କରିପାରୁଛି ।
ବିଧ୍ବଂସି ରାଫେଲ ଭାରତରେ ପହଞ୍ଚିଲା ପରେ ଏହାର କ୍ରେଜ୍ ବଢିଛି । ଭାରତରେ ରାଫେଲକୁ ନେଇ ବହୁ କଳ୍ପନାଜଳ୍ପନା ପ୍ରକାଶ ପାଇଥିବାବେଳେ ଶେଷରେ ଭାରତୀୟ ବାୟୁସେନାରେ ସାମିଲ ହୋଇଛି ଫ୍ରାନ୍ସ ନିର୍ମିତ ବିଧ୍ବଂସି ରାଫେଲ ଜେଟ୍ । ବର୍ତ୍ତମାନ ବାୟୁସେନାରେ 8 ଟି ରାଫେଲ ସାମିଲ ହୋଇଛି ।
@ANI
