ଲକ୍ଷ୍ମୌ: କୁଲିଙ୍କ ସହ କଥା ହେଲେ ପ୍ରିୟଙ୍କା ଗାନ୍ଧୀ ଭଦ୍ରା । ଲକ୍ଷ୍ନୌର ଚାରବାଗ ରେଳ ଷ୍ଟେସନରେ କଥା ହୋଇଛନ୍ତି କଂଗ୍ରେସ ନେତ୍ରୀ ପ୍ରୟଙ୍କା ଗାନ୍ଧୀ ଭଦ୍ରା । କୋରୋନା ମହାମାରୀ ସମୟରେ କୁଲିମାନେ ବିଭିନ୍ନ ସମସ୍ୟାରେ ସମ୍ମୁଖିନ ହୋଇଥିଲେ । କୁଲିଙ୍କ ଜୀବିକା ସହ ଜଡିତ ସମସ୍ୟା ବିଷୟରେ ମଧ୍ୟ ପ୍ରିୟଙ୍କା ପଚାରି ବୁଝିଥିଲେ ।
ଆଜି ପ୍ରିୟଙ୍କା ଗାନ୍ଧୀ ଭଦ୍ରା ୟୁପିର ଲଲିତପୁରରେ ପହଞ୍ଚିଛନ୍ତି । ସେଠାରେ ସେ ବିଷପିଇ ଆତ୍ମହତ୍ୟା କରିଥିବା ପରିବାରକୁ ଭେଟିବେ । ମୃତ ଚାଷୀଙ୍କ ସମ୍ପର୍କୀୟଙ୍କୁ ସମବେଦନା ମଧ୍ୟ ଜଣାଇବେ । ସେପଟେ ଆଗକୁ ଆସୁଛି ୟୁପି ବିଧାନସଭା ନିର୍ବାଚନ । ଏନେଇ କଂଗ୍ରେସ ଏବେଠୁ ଆରମ୍ଭ କଲାଣି କସରତ । ୨୦୨୨ ନିର୍ବାଚନ ଜିତିବା ପାଇଁ ପ୍ରିୟଙ୍କା ଗାନ୍ଧୀ ଘନଘନ ୟୁପି ଗସ୍ତ ମଧ୍ୟ କରୁଛନ୍ତି । ଦଳୀୟ ନେତାଙ୍କୁ ଧରି ରଣନୀତି ପାଇଁ ରୋଡ ମ୍ୟାପ ପ୍ରସ୍ତୁତ କରୁଛି ଦଳ । ପ୍ରିୟଙ୍କା ବର୍ତ୍ତମାନ ଉତ୍ତରପ୍ରଦେଶ ଦାୟିତ୍ୱରେ ଥିବା ଅଲ ଇଣ୍ଡିଆ କଂଗ୍ରେସ କମିଟିର ସାଧାରଣ ସମ୍ପାଦିକା ଦାୟିତ୍ବରେ ରହିଛନ୍ତି ।
