ନୂଆଦିଲ୍ଲୀ: ପ୍ରଦୂଷଣ ଯୋଗୁଁ ଅସ୍ତବ୍ୟସ୍ତ ଦିଲ୍ଲୀବାସୀ । ରାଜଧାନୀରେ ପୁଣି ବଢିଛି ପ୍ରଦୂଷଣ ସ୍ତର । ଅତ୍ୟଧିକ ମାତ୍ରାରେ କୁହୁଡି ଓ ପ୍ରଦୂଷଣର ରହିଥିବାରୁ ରାସ୍ତାଘାଟ ମଧ୍ୟ ଠିକ ଭାବରେ ଦିଶୁନି । ଫଳରେ ଅନେକ ଦୁର୍ଘଟଣା ମଧ୍ୟ ଘଟୁଛି । ପ୍ରାତଃ ଭ୍ରମଣରେ ଆସୁଥିବା ଲୋକେ ମଧ୍ୟ ବହୁ ଅସୁବିଧାର ସମ୍ମୁଖୀନ ହେଉଛନ୍ତି ।
ବୁଧବାର ମଧ୍ୟ ବାୟୁର ଗୁଣବତ୍ତା ଅତ୍ୟନ୍ତ ଖରାପ ରହିଛି । ସେଣ୍ଟ୍ରାଲ ପଲ୍ୟୁସନ କଣ୍ଟ୍ରୋଲ ବୋର୍ଡ(ସିପିସିବି)ର ସଦ୍ୟତମ ରିପୋର୍ଟ ମୁତାବକ ଦିଲ୍ଲୀର ଆନନ୍ଦ ବିହାରରେ 402 ଓ ନାଜାଫଗଡରେ 414 ରହିଛି ଏୟାର କ୍ବାଲିଟି ଇନଡେକ୍ସ(ଏକ୍ୟୁଆଇ)ମାନ । ସେହିପରି ମନ୍ଦିର ମାର୍ଗରେ 364, ଅଶୋକ ବିହାରରେ 397 ଓ ପ୍ରତାପଗଞ୍ଜରେ 369 ଏକ୍ୟୁଆଇ ମାନ ରହିଛି । ଯାହା ଗମ୍ଭୀର ଶ୍ରେଣୀରେ ଅନ୍ତର୍ଭୁକ୍ତ ଅଟେ । ତେବେ ରାଜଧାନୀର ବାୟୁ ପ୍ରଦୂଷଣକୁ କମ କରିବାକୁ ସରକାର ଅନେକ ଯୋଜନା ଆରମ୍ଭ କରିଥିବା ସତ୍ତ୍ବେ ଏହା କୌଣସି କାମ କରୁନଥିବା ପରିଲକ୍ଷିତ ହେଉଛି ।
@ ANI
