ଜୟପୁର(ରାଜସ୍ଥାନ): ରାଜନୀତି ଧୀରେ ଧିରେ ଶତ୍ରୁତାରେ ପରିଣତ ହେଉଛି । କେଉଁଠି ଗଣ୍ଡଗୋଳ ତ କେଉଁଠି ରକ୍ତପାତ ହେଉଛି । ଏହା ସୁସ୍ଥ ଗଣତନ୍ତ୍ର ପାଇଁ ଶୁଭ ସଙ୍କେତ ନୁହେଁ । ରାଜନୈତିକ ବିରୋଧ ଶତ୍ରୁତାରେ ପରିଣତ ହେବା ଏକ ସୁସ୍ଥ ଗଣତନ୍ତ୍ରର ସଙ୍କେତ ନୁହେଁ ବୋଲି କହିଛନ୍ତି ସୁପ୍ରିମକୋର୍ଟର ପ୍ରଧାନ ବିଚାରପତି ଜଷ୍ଟିସ ଏନ. ଭି. ରମଣା । ରାଜସ୍ଥାନ ବିଧାନସଭାରେ ୭୫ତମ କମନୱେଲଥ ପାର୍ଲାମେଣ୍ଟାରୀ ଆସୋସିଏସ ପକ୍ଷରୁ ଆୟୋଜିତ ଏକ କାର୍ଯ୍ୟକ୍ରମରେ ଏହା କହିଛନ୍ତି ପ୍ରଧାନ ବିଚାରପତି ।
ସେ ଆହୁରି କହିଛନ୍ତି, "ପୂର୍ବରୁ ସରକାର ଓ ବିରୋଧୀଙ୍କ ମଧ୍ୟରେ ପାରସ୍ପରିକ ସମ୍ମାନ ରହୁଥିଲା । କିନ୍ତୁ ବର୍ତ୍ତମାନ ତାହା କମିବାରେ ଲାଗିଛି। ଏହା ସହିତ ବ୍ୟବସ୍ଥାପିକା ପ୍ରଦର୍ଶନ ଗୁଣବତ୍ତା ଉପରେ ମଧ୍ୟ ଆଲୋକପାତ କରିଛନ୍ତି ସିଜେଆଇ । ଦେଶର ବ୍ୟବସ୍ଥାପିକା ପ୍ରଦର୍ଶନର ମାନ କମିବା ଦୁଃଖର ବିଷୟ । ଅଧିକରୁ ଅଧିକ ଆଲୋଚନା ନ କରି, ବିଚାରବିମର୍ଶ ଏବଂ ଯାଞ୍ଚ ବିନା ଆଇନ ପ୍ରଣୟନ କରାଯାଉଥିବା କହିଛନ୍ତି ସିଜେଆଇ ଏନ୍.ଭି. ରମଣା ।
ନ୍ୟାୟ ପ୍ରଣୟନ କରିବା ଏକ ଜଟିଳ ପ୍ରକ୍ରିୟା । ତେଣୁ ବିଧାନସଭାର ସଦସ୍ୟମାନେ ଆଇନଗତ ବୃତ୍ତିଗତଙ୍କଠାରୁ ଗୁଣାତ୍ମକ ସହାୟତା ପାଇବା ଆବଶ୍ୟକ । ବର୍ତ୍ତମାନ ସ୍ଥିତିରେ ଭାରତର ଲୋକତନ୍ତ୍ର ପସନ୍ଦର କଥା ନୁହେଁ ମାତ୍ର ଏକ ଆବଶ୍ୟକତା । ଦେଶର ଲୋକତନ୍ତ୍ର ବର୍ତ୍ତମାନ ପ୍ରାରମ୍ଭିକ ଅବସ୍ଥାରେ ଅଛି । ଆଜି ଆମକୁ ମନ୍ଥନ ମାଧ୍ୟମରେ ଶିଖିବାକୁ ଅଛି ବୋଲି କହିଛନ୍ତି ମୁଖ୍ୟ ବିଚାରପତି । ନ୍ୟାୟପାଳିକାର ଏକ ପ୍ରମୁଖ ଭୂମିକା ହେଉଛି ଆଇନର ସଠିକ କାର୍ଯ୍ୟକାରୀ କରିବା । ଅଧିକାର ପ୍ରତି ସଚେତନତା ବୃଦ୍ଧି ନ୍ୟାୟପାଳିକା ଉପରେ ଜନସାଧାରଣଙ୍କ ଆଶା ବୃଦ୍ଧି ପାଇଛି ।''
ସେପଟେ ଜୟପୁରର ଅନ୍ୟ ଏକ କାର୍ଯ୍ୟକ୍ରମରେ ବାଚାରଧୀନ କଏଦୀଙ୍କ ଉପରେ ଚିନ୍ତା ପ୍ରକଟ କରିଛନ୍ତି ସିଜେଆଇ । ଦେଶରେ ୬.୧୦ ଲକ୍ଷ କଏଦୀଙ୍କ ମଧ୍ୟରୁ ପାଖାପାଖି ୮୦ ପ୍ରତିଶତ ବିଚାରଧୀନ ଅଛନ୍ତି । ଦେଶରେ କ୍ରିମିନାଲ ଜଷ୍ଟିସ ସିଷ୍ଟମର କ୍ଷମତାକୁ ସଠିକ କରିବାକୁ ହେବ । ବିନା ମକଦ୍ଦମାରେ ଅଧିକ ସଂଖ୍ୟାରେ ଲୋକଙ୍କୁ ଅଧିକ ସମୟ କଏଦ ରଖିବା ଉପରେ ଧ୍ୟାନ ଦେବା ଆବଶ୍ୟକ ।
