ଘାଟିରେ ସକ୍ରିୟ 9 ମୋଷ୍ଟୱାଣ୍ଟେଡ ଆତଙ୍କବାଦୀଙ୍କ ତାଲିକା ଜାରି କଲା ପୋଲିସ

ସୁରକ୍ଷାକର୍ମୀଙ୍କୁ ଆକ୍ରମଣ କରୁଥିବା 9 ଜଣ ଆତଙ୍କବାଦୀଙ୍କ ତାଲିକା ଜାରି କଲା ଜମ୍ମୁ କାଶ୍ମୀର ପୋଲିସ । ସେମାନଙ୍କ ମଧ୍ୟରେ ଦୁଇଜଣ ଟପ କମାଣ୍ଡର ରହିଥିବା ଜଣାପଡିଛି । ଅଧିକ ପଢନ୍ତୁ...

ଶ୍ରୀନଗର: ସୁରକ୍ଷାକର୍ମୀଙ୍କୁ ଆକ୍ରମଣ କରୁଥିବା 9 ଜଣ ଆତଙ୍କବାଦୀଙ୍କ ତାଲିକା ଜାରି କଲା ଜମ୍ମୁ କାଶ୍ମୀର ପୋଲିସ । ସେମାନଙ୍କ ମଧ୍ୟରେ ଦୁଇଜଣ କମାଣ୍ଡର ରହିଥିବା ଜଣାପଡିଛି । ସୂଚନା ପାଇଁ ପୋଲିସ ଘୋଷଣା କଲା ପୁରସ୍କାର ।

ଜମ୍ମୁ କାଶ୍ମୀର ପୋଲିସ ଜାରି କରିଥିବା ମୋଷ୍ଟୱାଣ୍ଟେଡ ଆତଙ୍କବାଦୀଙ୍କ ମଧ୍ୟରୁ ଦକ୍ଷିଣ କାଶ୍ମୀରର କୁଲଗାମ ଜିଲ୍ଲାର ଆବ୍ବାସ ଶେଖ ଓ ବଡଗାମର ମହମ୍ମଦ ୟୁସୁଫ କନତ୍ରୃ ରହିଛି । ସେମାନେ ଦୀର୍ଘଦିନ ହେଲା ଆତଙ୍କବାଦୀ କାର୍ଯ୍ୟକଳାପରେ ସକ୍ରିୟ ରହିଛନ୍ତି । ସେହିପରି ଅନ୍ୟ 7 ଜଣ ଶ୍ରୀନଗରରେ ସକ୍ରିୟ ରହିଛନ୍ତି । ସେମାନେ ହେଲେ ୱାସିମ କାଦରୀ, ସାହିଦ ଖୁର୍ସୀଦ, ଇରଫାନ ମହମ୍ମଦ ସୋଫି, ବିଲାଲ ଅହମ୍ମଦ ଭଟ୍ଟ, ସାକିବ ମନଜୁର ଡାର, ଆବରାର ନଦିମ । ସେମାନେ ବିଭିନ୍ନ ସମୟରେ ଘାଟିରେ ସୁରକ୍ଷା ବାହିନୀ ଉପରେ ଗ୍ରେନେଡ ମାଡ କରି ଫେରାର ହୋଇଯାଆନ୍ତି । ସୂଚନାଥାଉକି ନିକଟରେ କାଶ୍ମୀରର ବର୍ଜୁଲାରେ ଦୁଇ ଜଣ ସୁନା ବ୍ୟବସାୟୀଙ୍କୁ ଦୁଇ ଆତଙ୍କବାଦୀ ଆକ୍ରମଣ କରିଥିଲେ । ସେମାନେ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ ।