ଆଜିଠୁ ଦେବଭୂମିରେ ଗଡିବ ବନ୍ଦେ ଭାରତ ଏକ୍ସପ୍ରେସ, ଉଦଘାଟନ କରିବେ ପ୍ରଧାନମନ୍ତ୍ରୀ

ଆଜିଠୁ ଉତ୍ତରାଖଣ୍ଡରେ ଦୌଡିବ ବନ୍ଦେ ଭାରତ ଏକ୍ସପ୍ରେସ । ଭିସି ଯୋଗେ ଉଦଘାଟନ କରିବେ ମୋଦି । ଅଧିକ ପଢନ୍ତୁ

ନୂଆଦିଲ୍ଲୀ: ଉତ୍ତରାଖଣ୍ଡକୁ ମିଳିବ ପ୍ରଥମ ବନ୍ଦେ ଭାରତ ଏକ୍ସପ୍ରେସ । ଆଜି ସବୁଜ ପତାକା ଦେଖାଇ ଶୁଭ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଡେରାଡୁନ ଓ ଦିଲ୍ଲୀ ମଧ୍ୟରେ ଚଳାଚଳ କରିବ ଏହି ଅତ୍ୟାଧୁନିକ ଟ୍ରେନ । ଭିଡିଓ କନଫରେସିଂ ଜରିଆରେ ପ୍ରଧାନମନ୍ତ୍ରୀ ଏହାର ଉଦଘାଟନ କରିବେ । ପୂର୍ବରୁ କେରଳ, ଓଡିଶା, ପଶ୍ଚିମବଙ୍ଗ, ତେଲେଙ୍ଗାନା, ରାଜସ୍ଥାନ, ବିହାର ଓ ଝାଡଖଣ୍ଡରେ ଏହି ଅତ୍ୟାଧୁନିକ ଟ୍ରେନର ଶୁଭାରମ୍ଭ କରିଥିଲେ ମୋଦି । ଆଜି ଉତ୍ତରାଖଣ୍ଡରେ ଏହି ଟ୍ରେନର ଶୁଭାରମ୍ଭ ହେବାକୁ ଥିବା ବେଳେ ଯାତ୍ରୀ ମାନେ ବେଶ ଉତ୍ସାହିତ ଅଛନ୍ତି ।

ଉତ୍ତରାଖଣ୍ଡରେ ପ୍ରଥମ ଥର ପାଇଁ ଗଡିବ ବନ୍ଦେ ଭାରତ ଏକ୍ସପ୍ରେସ । ବିଶ୍ବ ସ୍ତରୀୟ ସୁବିଧା ସହିତ ଆରାମଦାୟକ ଯାତ୍ରାର ଅଭିଜ୍ଞତା ପାଇବେ ଉତ୍ତରାଖଣ୍ଡବାସୀ । ଏହି ଟ୍ରେନ ଯାତାୟତ କରିବା ପରେ ପର୍ଯ୍ୟଟକ ମାନେ ବିଶେଷ ଭାବରେ ଉପକୃତ ହେବେ । ସ୍ୱଦେଶୀ ଭାବରେ ନିର୍ମିତ ହୋଇଥିବା ଏହି ଟ୍ରେନରେ ଯାତ୍ରୀ ମାନେ ସୁରକ୍ଷିତ ଭାବେ ଗୋଟିଏ ରାଜ୍ୟରୁ ଅନ୍ୟ ଏକ ରାଜ୍ୟକୁ ଯାତାୟତ କରିପାରିବେ ।

• Uttarakhand’s connectivity is all set to get a big boost. At 11 AM today, I will be flagging off the Vande Bharat Express between Delhi and Dehradun. Making the occasion even more special is the feat of 100% electrification of Uttarakhand’s rail tracks. Do join the programme.

  — Narendra Modi (@narendramodi) May 25, 2023 " class="align-text-top noRightClick twitterSection" data="

  Uttarakhand’s connectivity is all set to get a big boost. At 11 AM today, I will be flagging off the Vande Bharat Express between Delhi and Dehradun. Making the occasion even more special is the feat of 100% electrification of Uttarakhand’s rail tracks. Do join the programme.

  — Narendra Modi (@narendramodi) May 25, 2023

  ">

  Uttarakhand’s connectivity is all set to get a big boost. At 11 AM today, I will be flagging off the Vande Bharat Express between Delhi and Dehradun. Making the occasion even more special is the feat of 100% electrification of Uttarakhand’s rail tracks. Do join the programme.

  — Narendra Modi (@narendramodi) May 25, 2023

ପ୍ରଧାନମନ୍ତ୍ରୀ ଟ୍ବିଟ କରି କହିଛନ୍ତି ,''ଉତ୍ତରାଖଣ୍ଡରେ ଯୋଗାଯୋଗ କ୍ଷେତ୍ରରେ ଏକ ବଡ ବୃଦ୍ଧି ହେବାକୁ ଯାଉଛି । ଆଜି ଦିନ 11ଟା ସମୟରେ ମୁଁ ଦିଲ୍ଲୀ ଏବଂ ଡେରାଡୁନ ମଧ୍ୟରେ ଚଳାଚଳ କରିବାକୁ ଥିବା ବନ୍ଦେ ଭାରତ ଏକ୍ସପ୍ରେସକୁ ସବୁଜ ପତାକା ଦେଖାଇ ଉଦଘାଟନ କରିବି ।''

ବନ୍ଦେ ଭାରତ ଏକ୍ସପ୍ରେସ ହାଇରାଇଡ ଓଭର ହେଡ ଅଞ୍ଚଳରେ ଯାତାୟତ କରୁଥିବା ବିଶ୍ବର ପ୍ରଥମ ସେମି ହାଇସ୍ପିଡ ପାସେଞ୍ଜର ଟ୍ରେନ ଅଟେ । ଯାହାକି ଯାତ୍ରୀମାନଙ୍କୁ କମ ସମୟରେ ଏବଂ ଆରାମଦାୟକ ସେବା ପ୍ରଦାନ କରି ଗନ୍ତବ୍ୟ ସ୍ଥଳରେ ପହଞ୍ଚାଇଥାଏ । ଏହି ଏକ୍ସପ୍ରେସ ସ୍ବଦେଶୀ ନିର୍ମିତ ହାଇସ୍ପିଡ ସ୍ବୟଂଚାଳିତ ଟ୍ରେନ ଅଟେ । ଉତ୍ତରାଖଣ୍ଡରେ ଅନେକ ପର୍ଯ୍ୟଟନ ସ୍ଥଳ ରହିଥିବା ବେଳେ ଏହା ସାମାଜିକ ଏବଂ ଆର୍ଥିକ କ୍ଷେତ୍ରରେ ଉନ୍ନତି ଆଣିବ ।

ଗତ ମେ 18 ତାରିଖ ଦିନ ଓଡିଶାରେ ଗଡିଥିଲା ବନ୍ଦେ ଭାରତ ଏକ୍ସପ୍ରେସ । ଭିଡିଓ କନଫେରସିଂ ଯୋଗେ ପ୍ରଧାନମନ୍ତ୍ରୀ ପୁରୀ-ହାଓ୍ବଡା ବନ୍ଦେ ଭାରତ ଏକ୍ସପ୍ରେସକୁ ଉଦଘାଟନ କରିଥିଲେ । ପ୍ରଥମ ଥର ପାଇଁ ରାଜ୍ୟରେ ବନ୍ଦେ ଭାରତ ଏକ୍ସପ୍ରେସ ଗଡିଥିବାରୁ ଯାତ୍ରୀଙ୍କ ମଧ୍ୟରେ ବେଶ ଉତ୍ସାହ ପରିଲକ୍ଷିତ ହୋଇଥିଲା ।