ହାଇଦ୍ରାବାଦ: ବ୍ରିଟେନ ରାଜା ଚାର୍ଲ୍ସ ତୃତୀୟଙ୍କ ସହ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି (PM Narendra Modi talk with King Charles III)। ଆଜି (ମଙ୍ଗଳବାର) ସଂଧ୍ୟାରେ ଉଭୟଙ୍କ ମଧ୍ୟରେ ଏହି ଟେଲିଫୋନିକ ବାର୍ତ୍ତାଳାପ ହୋଇଛି । ତେବେ ମା’ ଏଲିଜାବେଥଙ୍କ ଦେହାନ୍ତ ପରେ ବ୍ରିଟେନ ରାଜା ଭାବେ ଦାୟିତ୍ବ ଗ୍ରହଣ କରିବା ପରେ ରାଜା ଚାର୍ଲ୍ସଙ୍କ ସହ ଏହା ପ୍ରଧାନମନ୍ତ୍ରୀଙ୍କର ପ୍ରଥମ ବାର୍ତ୍ତାଳାପ । ଏଥିରେ ପ୍ରଧାନମନ୍ତ୍ରୀ ଚାର୍ଲ୍ସଙ୍କ ସଫଳ କାର୍ଯ୍ୟକାଳ ନେଇ ଶୁଭେଚ୍ଛା ଜଣାଇଛନ୍ତି । ଏହା ସହ ଦୁଇ ଦେଶର ମିଳିତ ସ୍ବାର୍ଥ ଓ ଅନ୍ୟ କିଛି ଗୁରୁତ୍ବପୂର୍ଣ୍ଣ ଅନ୍ତର୍ଜାତୀୟ ପ୍ରସଙ୍ଗରେ ଉଭୟଙ୍କ ମଧ୍ୟରେ ଆଲୋଚନା ଓ ମତ ବିନିମୟ ହୋଇଥିବା ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ।
-
PM Narendra Modi had a telephonic conversation with King Charles III of the United Kingdom, today.
— ANI (@ANI) January 3, 2023 " class="align-text-top noRightClick twitterSection" data="
(File Pics) pic.twitter.com/AtxsPkt0AU
">PM Narendra Modi had a telephonic conversation with King Charles III of the United Kingdom, today.
— ANI (@ANI) January 3, 2023
(File Pics) pic.twitter.com/AtxsPkt0AUPM Narendra Modi had a telephonic conversation with King Charles III of the United Kingdom, today.
— ANI (@ANI) January 3, 2023
(File Pics) pic.twitter.com/AtxsPkt0AU
ପ୍ରଧାନମନ୍ତ୍ରୀ ମୋଦି ଏନେଇ ନିଜେ ଟ୍ବିଟ କରି କହିଛନ୍ତି, ‘‘ରାଜା ଚାର୍ଲ୍ସଙ୍କ ସହ ଆଲୋଚନା କରି ମୁଁ ଖୁସି ଅନୁଭବ କରୁଛି । ଦୁଇ ଦେଶର ସାମୂହିକ ସ୍ବାର୍ଥ ସମ୍ପର୍କିତ ପ୍ରସଙ୍ଗ ସହ ଅନ୍ୟ କିଛି ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ମତ ବିନିମୟ ହୋଇଛି । ପରିବେଶ ସୁରକ୍ଷା, ଜଳବାୟୁ ପରିବର୍ତ୍ତନ ଓ ସ୍ଥିରତା ପରି ବୈଶ୍ବିକ ପ୍ରସଙ୍ଗ ସହ ଭାରତ ଅଧ୍ୟକ୍ଷତାରେ ହେବାକୁ ଥିବା ଚଳିତଥରର ଜି-20 ବୈଠକ ନେଇ ମଧ୍ୟ ଆଲୋଚନା ହୋଇଛି ।’’
“କମନ ଓ୍ବେଲଥ୍ ଅଫ୍ ନେସନ୍ସ’’ ଏବଂ ଏହାର କାର୍ଯ୍ୟକାରିତାକୁ କିପରି ଅଧିକ କ୍ରିୟାଶୀଳ କରାଯିବ ସେନେଇ ଉଭୟ ମତ ବିନିମୟ କରିଥିଲେ । ସେହିପରି ଉଭୟ ଭାରତ ଓ ବ୍ରିଟେନ ମଧ୍ୟରେ ଦ୍ୱିପାକ୍ଷିକ ସମ୍ପର୍କକୁ ସୁଦୃଢ କରିବା ଦିଗରେ ଆଲୋଚନା ହୋଇଥିଲା । ବ୍ରିଟେନରେ ଥିବା ଭାରତୀୟ ସମ୍ପ୍ରଦାୟର ଭୂମିକାକୁ ରାଜା ଚାର୍ଲ୍ସ ପ୍ରଶଂସା କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
