ମୁମ୍ବାଇ: ଆଜି ପୁଣେ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି(pm modi to visit pune) । ପୁଣେରେ ଆଜି(ରହିବାର) ମେଟ୍ରୋ ରେଳ ପ୍ରକଳ୍ପର ଉଦଘାଟନ କରିଛନ୍ତି ମୋଦି । ଏହାପରେ ସେ ପୁଣେ ମୁନିସିପାଲିଟି କର୍ପୋରେସନ ପରିସରରେ 9.5 ଫୁଟ୍ ଉଚ୍ଚତା ବିଶିଷ୍ଟ ଛତ୍ରପତି ଶିବାଜୀ ମହାରାଜଙ୍କ ପ୍ରତିମୂର୍ତ୍ତି ଉନ୍ମୋଚନ କରିବା ସଙ୍ଗେ ସଙ୍ଗେ ଅନେକ ବିକାଶମୂଳକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ ।
ଆଜି ଦିନ ସାଢେ ୧୧ଟା ସମୟରେ ପ୍ରଧାନମନ୍ତ୍ରୀ ପୁଣେ ମେଟ୍ରୋ ରେଳ ପ୍ରୋଜେକ୍ଟକୁ ଉଦଘାଟନ କରିଛନ୍ତି । ମେଟ୍ରୋ ପ୍ରକଳ୍ପ ପୁଣେର ସହରାଞ୍ଚଳ ପାଇଁ ବିଶ୍ବସ୍ତରୀୟ ଭିତ୍ତିଭୂମି ଯୋଗାଇବ । ଏଥିପାଇଁ ସମୁଦାୟ ୧୧,୪୦୦ କୋଟିର ବ୍ୟୟ ଅଟକଳ ହୋଇଛି । ୨୦୧୬ ଡିସେମ୍ବର ୨୪ରେ ପୁଣେ ମେଟ୍ରୋ ରେଳ ପ୍ରୋଜେକ୍ଟର ମୂଳଦୁଆ ପକାଇଥିଲେ ପ୍ରଧାନମନ୍ତ୍ରୀ ମୋଦି ।
ଏହାପରେ ପୂର୍ବାହ୍ନ ୧୨ଟା ସମୟରେ ମୋଦି ବିଭିନ୍ନ ବିକାଶମୂଳକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ ଏବଂ ଉଦଘାଟନ କରିବେ । ଆଜି ମୁଲା-ମୁଥା ନଦୀ ପ୍ରକଳ୍ପର ନବୀକରଣ ଓ ପ୍ରଦୂଷଣ ହ୍ରାସ ପାଇଁ ପ୍ରକଳ୍ପର ମଧ୍ୟ ମୂଳଦୁଆ ପକାଇବେ । ଏଥିପାଇଁ ମୋଟ ୧,୪୭୦ କୋଟି ଟଙ୍କା ଖର୍ଚ୍ଚ ହେବ । ପ୍ରଧାନମନ୍ତ୍ରୀଙ୍କ ଗସ୍ତକୁ ନେଇ ସମଗ୍ର ଅଞ୍ଚଳରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ସମସ୍ତ ପାରାଗ୍ଲାଇଡିଂକୁ ବାରଣ କରାଯିବା ସହ ଆକାଶରେ ହଟ୍ ବେଲୁନ ଉଡାଣ ଉପରେ ରୋକ୍ ଲଗାଇଛି ପ୍ରଶାସନ ।
