ନୂଆଦିଲ୍ଲୀ: ବ୍ରିଟେନ ପ୍ରଧାନମନ୍ତ୍ରୀ ବୋରିସ ଜନସନଙ୍କ ସହ ଫୋନରେ ଆଲୋଚନା କରିଛନ୍ତି ପିଏମ ମୋଦି । ଏହି ସମୟରେ ଦୁଇ ଦେଶର ନେତାଙ୍କ ମଧ୍ୟରେ ବାଣିଜ୍ୟ, ପ୍ରତିରକ୍ଷା, ନିବେଶ ସମେତ ଅନେକ ବିଷୟ ଉପରେ ଆଲୋଚନା ହୋଇଛି ।
ପ୍ରଧାନମନ୍ତ୍ରୀ ମୋଦି ଟ୍ବିଟ କରି କହିଛନ୍ତି, ମୋ ବନ୍ଧୁ ବ୍ରିଟେନର ପ୍ରଧାନମନ୍ତ୍ରୀ ବୋରିସ ଜନସନଙ୍କ ସହ ଆଗାମୀ ଦଶକରେ ଭାରତ-ବ୍ରିଟେନ ସମ୍ବନ୍ଧ ନେଇ ମହତ୍ବାକାଂକ୍ଷୀ ରୋଡ ମ୍ୟାପ ଉପରେ ଚର୍ଚ୍ଚା କରିଛି । ମୋଦି ଆଗକୁ କହିଛନ୍ତି, ନିବେଶ, ପ୍ରତିରକ୍ଷା, ଜଳବାୟୁ ପରିର୍ତ୍ତନ ଓ କୋଭିଡ ବିରୋଧରେ ଲଢିବାରେ ସହଯୋଗ ବୃଦ୍ଧି ନେଇ ସହମତି ପ୍ରକାଶ ପାଇଛି ।
ସେପଟେ ଶନିବାର କୋରୋନା ଭ୍ୟାକ୍ସିନର ସମୀକ୍ଷା ପାଇଁ ପ୍ରଧାନମନ୍ତ୍ରୀ ହାଇଦ୍ରାବାଦ, ପୁଣେ ଅହମଦାବାଦ ଗସ୍ତ କରୁଛନ୍ତି ପ୍ରଧାନମନ୍ତ୍ରୀ ମୋଦି । ଏହି ଗସ୍ତ ନେଇ ନିଜେ ସ୍ପଷ୍ଟ କରିଛନ୍ତି ପ୍ରଧାନମନ୍ତ୍ରୀ । ତେବେ ବ୍ୟକ୍ତିଗତ ସ୍ତରରେ ଭ୍ୟାକ୍ସିନର ସମୀକ୍ଷା କରିବେ ପ୍ରଧାନମନ୍ତ୍ରୀ ।
