ଲକ୍ଷ୍ନୌ: ଲକଡାଉନ ପରେ ପ୍ରଥମ ଥର ନିଜ ସଂସଦୀୟ କ୍ଷେତ୍ର ବାରାଣାସୀରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଧାନମନ୍ତ୍ରୀ ଏଠାରେ କାଶୀ ସ୍ଥିତ ଘାଟର ତଦାରଖ କରିବା ସହ କାଶୀ ବିଶ୍ବନାଥ କରିଡରର ନିରୀକ୍ଷଣ କରିବେ । ସେହିପରି ଭବ୍ୟ ଦେବଦୀପାବଳୀ କାର୍ଯ୍ୟକ୍ରମରେ ମଧ୍ୟ ସାମିଲ ହେବେ ପ୍ରଧାନମନ୍ତ୍ରୀ ।
ଦିନିକିଆ ବାରାଣାସୀ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସି ବାବତପୁର ଏୟାରପୋର୍ଟରେ ପହଞ୍ଚିଥିଲେ । ପ୍ରଧାନମନ୍ତ୍ରୀ ଏୟାରପୋର୍ଟରେ ପହଞ୍ଚିବା ପରେ ତାଙ୍କୁ ସ୍ବାଗତ ଜଣାଇଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ବର୍ତ୍ତମାନ ପ୍ରଧାନମନ୍ତ୍ରୀ ଏଠାରୁ ହେଲିକପ୍ଟର ଯୋଗେଁ ମିର୍ଜାମୁରାଦର ଖଜୁରୀ ଜନସଭା ସ୍ଥଳରେ ପହଞ୍ଚି ସଜନସଭାକୁ ସମ୍ବୋଧିତ କରୁଛନ୍ତି । ଏଠାରେ ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏବଂ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଉପସ୍ଥିତ ଅଛନ୍ତି । ତେବେ ପ୍ରଧାନମନ୍ତ୍ରୀ ବାରାଣାସୀରୁ ହଣ୍ଡିୟା ପର୍ଯ୍ୟନ୍ତ 6 ଲେନ ସଡକର ଲୋକାର୍ପଣ ମଧ୍ୟ କରିଛନ୍ତି ।
