ନୂଆଦିଲ୍ଲୀ:ରାଜଧାନୀ ବିମାନବନ୍ଦରରେ ଜଣେ ଯାତ୍ରୀଙ୍କ ଠାରୁ 20ଟି ଅଫୁଟା ଗୁଳି ଜବତ କରିଛି ସିଆଇଏସଏଫ । ଘଟଣାରେ ଯାତ୍ରୀଜଣଙ୍କୁ ଗିରଫ କରିଛି ପୋଲିସ ।
ସୂଚନାଅନୁସାରେ, ଇଣ୍ଡିଗୋ ଫ୍ଲାଇଟରେ ଔରଙ୍ଗାବାଦ ଯାଉଥିବା ଜଣେ ଯାତ୍ରୀଙ୍କୁ ବିମାନବନ୍ଦରରେ ଯାଞ୍ଚ କରାଯାଇଥିଲା । ତାଙ୍କ ହ୍ୟାଣ୍ଡବ୍ୟାଗରୁ 20ଟି ଅଫୁଟା ଗୁଳି ଜବତ କରିଛି ସିଆଇଏସଏଫ । ଘଟଣା ନେଇ ଯାତ୍ରୀ ଜଣକ କୌଣସି ସନ୍ତୋଷଜନକ କାଗଜପତ୍ର ଦେଖାଇ ପାରି ନଥିଲେ ଫଳରେ ବ୍ୟକ୍ତି ଜଣଙ୍କୁ ଗିରଫ କରିଛି ଦିଲ୍ଲୀ ପୋଲିସ ।
ତାଙ୍କ ବିରୋଧରେ ଆଇନଗତ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ତେବେ ବିମାନବନ୍ଦରରେ ଏତେ କଟକଣା ପରେ ବି ବନ୍ଦର ଭିତରକୁ ଯାତ୍ରୀଜଣକ କିପରି ଗୁଳି ଆଣିଲେ ତାହା ପ୍ରଶ୍ନବାଚୀ ସୃଷ୍ଟି କରିଛି ।
@ANI
