ଇସଲାମାବାଦ: ପାକିସ୍ତାନ ପ୍ରଧାନମନ୍ତ୍ରୀ କୋରୋନାରେ ଆକ୍ରାନ୍ତ ହୋଇଥିବା ସୂଚନା ମିଳିଛି । ତାଙ୍କର କୋଭିଡ ଟେଷ୍ଟ ପରେ ସେ ପଜିଟିଭି ଥିବା ଜଣାପଡିଛି । ତାଙ୍କ ସ୍ବାସ୍ଥ୍ୟବସ୍ଥା ଭଲ ଅଛି ଓ ସେ ସଂଗରୋଧରେ ଥିବା ସ୍ବାସ୍ଥ୍ୟମନ୍ତ୍ରୀ ଗଣମାଧ୍ୟମକୁ ସୂଚନା ଦେଇଛନ୍ତି । ଗତ ଦୁଇ ଦିନ ତଳେ ଇମ୍ରାନ କୋରୋନା ଟିକା ନେଇଥିଲେ ।
ଟିକା ଗ୍ରହଣର ମାତ୍ର ଦୁଇ ଦିନ ପରେ କୋରୋନା ଆକ୍ରାନ୍ତ ହେବା ସମସ୍ତଙ୍କୁ ଚକିତ କରିଥିବାବେଳେ ଟିକାର ବିଶ୍ବସନୀୟତା ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଛି । ତେବେ ଇମ୍ରାନ ଚୀନ ନିର୍ମିତ ଟିକା ଗ୍ରହଣ କରିଥିବା ଚର୍ଚ୍ଚା ହେଉଛି । ଏହି ଘଟଣା ପରେ ପାକ ପ୍ରଧାନମନ୍ତ୍ରୀଙ୍କ ଆଶୁ ଆରୋଗ୍ୟ କାମନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଇମ୍ରାନ ଖୁବଶୀଘ୍ର କୋଭିଡରୁ ସୁସ୍ଥ ହୁଅନ୍ତୁ ବୋଲି ଟ୍ବିଟ କରିଛନ୍ତି ମୋଦି ।
ବ୍ୟୁରୋ ରିପୋର୍ଟ, ଇଟିଭି ଭାରତ
