ନୂଆଦିଲ୍ଲୀ : ଦେଶରେ ସଂକ୍ରମଣ ବିରୋଧରେ ଜାରି ରହିଛି ଟୀକାକରଣ । ସଂକ୍ରମଣକୁ ମାତ ଦେବା ପାଇଁ ଟୀକାକରଣ ଡ୍ରାଇଭକୁ ଜୋରଦାର କାରାଯାଉଛି । 53.24 କୋଟିରୁ ଅଧିକ ଟିକା ବିଭିନ୍ନ ରାଜ୍ଯ ଓ କେନ୍ଦ୍ର ଶାସିତ ଅଞ୍ଚଳକୁ ପ୍ରଦାନ କରାଯାଇଛି । ଏନେଇ ସୋମବାର କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ତରଫରୁ ସୂଚନା ଦିଆଯାଇଛି ।
72 ଲକ୍ଷ 40 ହଜାର 250 କୋରୋନା ଟିକା କେନ୍ଦ୍ର ସରକାରଙ୍କ ପାଖରେ ଗଚ୍ଛିତ ରହିଛି । ଏହାସହ 51 କୋଟି 56 ଲକ୍ଷ 11 ହଜାର 35 ଟିକା ନଷ୍ଟ ହେବା ସହ ସଂରକ୍ଷିତ ରହିଛି । ୨.୨୫ କୋଟିରୁ ଅଧିକ ଟିକା ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ସହ ଘରୋଇ ମେଡିକାଲ ଗୁଡିକ ପାଖରେ ମହଜୁଦ ରହିଛି । ଦେଶରେ ନୂତନ ପର୍ଯ୍ୟାୟ କୋରୋନା ଟୀକାକରଣ ୨୧ ଜୁନରୁ ଆରମ୍ଭ ହୋଇଥିଲା । ଯାହା ଏବେ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଜାରି ରହିଛି ।
