ରାଞ୍ଚି: ଝାଡ଼ଖଣ୍ଡର ଲୋହରଦଗା ଜିଲ୍ଲା ସେରେଙ୍ଗବାଦ ଥାନା ଅଞ୍ଚଳର ଚପାଲ-ଜୁଡୱାନୀ ମଝି ଜଙ୍ଗଲରେ ଆଇଇଡ଼ି ବିସ୍ଫୋରଣ ହେବା ଦ୍ବାରା ଜଣେ ଯବାନ ଶହୀଦ ହୋଇଛନ୍ତି । ତେବେ ଏହି ବିସ୍ଫୋରକ ନକ୍ସଲଙ୍କ ଦ୍ବାରା ଖଞ୍ଜା ଯାଇଥିଲା ବୋଲି ଜଣାପଡିଛି ।
ସିଆରପିଏଫର 158 ବାଟାଲିୟନ ଯବାନ, ଜିଲ୍ଲା ପୋଲିସ ମିଳିତ ଭାବରେ ନକ୍ସଲ ବିରୋଧୀ ଅଭିଯାନ ଆରମ୍ଭ କରିଥିଲେ । ତେବେ ନକ୍ସଲମାନେ ଆଇଡି ଖଞ୍ଜିଥିବା ସମ୍ପର୍କରେ ସୁରକ୍ଷା ବାହିନୀ ସୁରାକ ପାଇପାରିନଥିଲେ । ଏହି ଘଟଣା ଲୋହରଦଗା ଜିଲ୍ଲାର ଚପାଲ-ଜୁଡୱାନୀ ମଝି ଜଙ୍ଗଲରେ ଘଟିଛି । ଘଟଣା ଘଟିଥିବା ଅଞ୍ଚଳ ଭାକପା ମାଓବାଦୀ ନକ୍ସଲ ସଂଗଠନର ଅଞ୍ଚଳ ବୋଲି ଜଣାପଡିଛି ।
ଲୋହରଦାଗା ଏବଂ ଗୁମ୍ଲା ଜିଲ୍ଲାର ସୀମାବର୍ତ୍ତୀ ଅଞ୍ଚଳ ହୋଇଥିବାରୁ ଏହି ଅଞ୍ଚଳ ଭାକପା ମାଓବାଦୀ ନକ୍ସଲ ସଂଗଠନ ପାଇଁ ଏକ ନିରାପଦ ଅଞ୍ଚଳ । ଏଥିଲାଗି ନକ୍ସଲମାନେ ଏଠାରେ ପୋଲିସ ଦଳକୁ ଫାନ୍ଦରେ ପକାଇବା ପାଇଁ ଆଇଇଡି ରଖିଥିଲେ। ବିସ୍ଫୋରଣ ହେବା ପରେ ଯବାନଙ୍କୁ ହେଲିକପ୍ଟର ଯୋଗେ ରାଞ୍ଚି ପଠାଯାଇଥିଲା । ତେବେ ରାସ୍ତାରେ ହିଁ ସେ ଶହୀଦ ହୋଇଥିବା ଜଣାପଡିଛି ।
ଶହୀଦ ହୋଇଥିବା ଯବାନ ଜଣକ ଗୁମଲା ଜିଲ୍ଲାର ଦୁଲେଶ୍ବର ପରାସ ବାସିନ୍ଦା ବୋଲି ଜଣାପଡିଛି । ତେବେ ତାଙ୍କୁ ସେରେଙ୍ଗଦାଗ ପୋଲିସ ଷ୍ଟେସନରେ ନିୟୋଜିତ କରାଯାଇଥିଲା । ଭାକପା ମାଓବାଦୀ ନକ୍ସଲ ସଂଗଠନ ଘଟଣା ଘଟିଥିବା ଅଞ୍ଚଳରେ ବୁଲୁଥିବା ସମ୍ପର୍କରେ ପୋଲିସକୁ ଖବର ମିଳିଥିଲା । ତେବେ ସେମାନଙ୍କୁ ଧରିବା ପାଇଁ ଯବାନ ଓ ପୋଲିସ ନକ୍ସଲ ବିରୋଧୀ ଅଭିଯାନ ଆରମ୍ଭ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
