ଲଣ୍ଡନ: 96 ବର୍ଷରେ ପାଦ ଦେଇଛନ୍ତି ବ୍ରିଟେନର ମହାରାଣୀ ଏଲିଜାବେଥ । ସାରା ବିଶ୍ବରୁ ମହାରାଣୀଙ୍କୁ ଜନ୍ମଦିନର ଶୁଭେଚ୍ଛା ବାର୍ତ୍ତା ଛୁଟିଥିବା ବେଳେ ଏହି ଅବସରରେ ବାର୍ବୀ ଟୟ ନିର୍ମାଣକାରୀ ସଂସ୍ଥା ମାଟେଲ (Mattel) ମହାରାଣୀଙ୍କୁ ଭିନ୍ନ ଢଙ୍ଗରେ ଉପହାର ଦେଇଛନ୍ତି । ମହାରାଣୀଙ୍କ ଅବିକଳ ପ୍ରତିକୃତିର ଏକ ବାର୍ବୀ ଡଲ ଉପହାର ସ୍ବରୂପ ସଂସ୍ଥା ପକ୍ଷରୁ ପ୍ରଦାନ କରାଯାଇଛି ।
ଏହି ଉପହାରରେ ଡଲଟି ଇଲିଗାଣ୍ଟ ଇଭୋରୀ ରଙ୍ଗର ଗାଉନ ପିନ୍ଧିଥିବା ବେଳେ ମୁଣ୍ଡରେ ବ୍ଲ୍ୟୁ ରିବନ ବାନ୍ଧିଥିବା ଦେଖିବାକୁ ମିଳିଛି । ରାଣୀ ଏଲିଜାବେଥଙ୍କ ପ୍ରତିକୃତିର ଏହି ବାର୍ବୀ ଡଲର ମୂଲ୍ୟ ପ୍ରାୟ 75 ଡଲାର ହେବ ଏବଂ ଆସନ୍ତାକାଲି (ଗୁରୁବାର) ଠାରୁ ଏହି ପ୍ରତିକୃତିର କଣ୍ଢେଇ ଆମାଜନ, ୱାଲମାର୍ଟ ଏବଂ ମାଟେଲରେ ଉପଲବ୍ଧ ହେବାକୁ ଯାଉଥିବା ମଧ୍ୟ ସୂଚନା ମିଳିଛି ।
1952 ଫେବୃଆରୀ 6 ତାରିଖରେ ଜନ୍ମ ଗ୍ରହଣ କରିଥିବା ମହାରାଣୀ ଏଲିଜାବେଥ ଆଜି (ଗୁରୁବାର) 96 ବର୍ଷ ବୟସରେ ପାଦ ଦେଇଛନ୍ତି । ପିତା ତଥା ମହାରାଜା ଜର୍ଜଙ୍କ ଦେହାନ୍ତ ପରେ ସେ ବ୍ରିଟେନର ମହାରାଣୀ ଭାବେ ସିଂହାସନ ଆରୋହଣ କରିଥିଲେ ଏଲିଜାବେଥ-ଦ୍ବିତୀୟ । ଆଉ ଏକ ରୋଚକ ତଥ୍ୟ ହେଉଛି ବ୍ରିଟିଶ ରାଜବଂଶ ଇତିହାସରେ ମହାରାଣୀ ଏଲିଜାବେଥ ହେଉଛନ୍ତିି ଦୀର୍ଘତମ ଶାସିକା ।
ବ୍ୟୁରୋ ରିପୋର୍ଟ, ଇଟିଭି ଭାରତ
