ଲକ୍ଷ୍ନୌ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଆରଏସଏସ(RSS) ମୁଖ୍ୟ ମୋହନ ଭଗବତଙ୍କ ଆପତ୍ତିଜନକ ଫଟୋ ପୋଷ୍ଟ କରିବାର ଏକ ମାମଲା ସୋସିଆଲ ମିଡିଆରେ ସାମ୍ନାକୁ ଆସିଛି । ଏହି ଚିତ୍ରଗୁଡ଼ିକ ବିଜୟନ୍ଦର କୁମାର ଯାଦବ ନାମକ ଜଣେ ବ୍ୟକ୍ତିଙ୍କ ଫେସବୁକ ଆକାଉଣ୍ଟରୁ ପୋଷ୍ଟ କରାଯାଇଛି । ହିନ୍ଦୁ ଦେବାଦେବୀ ଥିବା ଏକ ଫଟୋରେ ଅଭିଯୁକ୍ତ ପିଏମ ମୋଦିଙ୍କ ସହ ମୋହନ ଭଗବତଙ୍କ ଆପତ୍ତିଜନକ ଚିତ୍ର ପୋଷ୍ଟ କରିଛନ୍ତି । ଅନିରୁଦ୍ଧ ଜୟସ୍ବାଲ ନାମକ ଜଣେ ଓକିଲ ଉକ୍ତ ଯୁବକଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏହି ଚିତ୍ରଗୁଡ଼ିକ ଭାଇରାଲ ହେବା କାରଣରୁ ଲୋକଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି ।
ଏହି ମାମଲା କାନପୁରର ଜୁହି ପୋଲିସ୍ ଷ୍ଟେସନ ଅଞ୍ଚଳର । ଅନିରୁଦ୍ଧ ଜୟସ୍ବାଲ ନାମକ ଜଣେ ଓକିଲ ପୋଲିସ ଷ୍ଟେସନରେ ପହଞ୍ଚି ଅଭିଯୁକ୍ତ ଯୁବକଙ୍କ ବିରୋଧରେ ମାମଲା ରୁଜୁ କରିବାକୁ ଚେଷ୍ଟା କରିଥିଲେ । ତେବେ ପୋଲିସ ଉକ୍ତ ମାମଲାକୁ ଜାଣି ନଥିଲା କିମ୍ବା ଅଭିଯୋଗ ପଞ୍ଜିକରଣ କରିନଥିଲା । ଏନେଇ ଅନିରୁଦ୍ଧ କହିଛନ୍ତି ଯେ, ସେ ନିଜର ଫେସବୁକ ଦେଖୁଥିବା ସମୟରେ ବିଜେନ୍ଦ୍ର କୁମାର ଯାଦବ ନାମକ ଜଣେ ବ୍ୟକ୍ତି ହିନ୍ଦୁ ଦେବାଦେବୀଙ୍କ ସହ ନରେନ୍ଦ୍ର ମୋଦି ଏବଂ RSS ମୁଖ୍ୟ ମୋହନ ଭଗବତଙ୍କ ଆପତ୍ତିଜନକ ଫଟୋ ଦେଖିଥିଲେ ।
ଏହା ଦେଖିବା ପରେ ସେ ମାବାଇଲରୁ ଏକ ସ୍କ୍ରିନସଟ ନେଇ ଜୁହି ପୋଲିସ ଷ୍ଟେସନରେ ପହଞ୍ଚିଥିଲେ । କିନ୍ତୁ ଥାନା ଅଧିକାରୀ ମାମଲା ରୁଜୁ ନକରି ଆଇଟି ସେଲରେ ଅଭିଯୋଗ କରିବାକୁ କହିଥିଲେ । ଓକିଲ ଅନିରୁଦ୍ଧ ଜୁହି ଥାନାର ଅଧିକାରୀଙ୍କ ସହ କଥା ହୋଇଥିଲେ ମଧ୍ୟ ସେ କୌଣସିପ୍ରକାର ସହଯୋଗ ନକରି ଏକ ଘଣ୍ଟା ଅପେକ୍ଷା କରିବାକୁ କହିଥିଲେ । ତେବେ ବର୍ତ୍ତମାନ ସୁଦ୍ଧା ଏ ନେଇ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ ।
