ମୁମ୍ବାଇ: ମହାରାଷ୍ଟ୍ରର ୟବତମାଲରେ ମହାପଞ୍ଚାୟତ ରାଲି କରିବାକୁ ଚାଷୀ ନେତା ରାକେଶ ଟିକାୟତଙ୍କୁ ଅନୁମତି ମିଳିନାହିଁ । ଆଜି (ଶନିବାର) ଏହି ମହାପଞ୍ଚାୟତ ହେବାକୁ ଥିବାବେଳେ ଏନେଇ ଜିଲ୍ଲାପ୍ରଶାସନ ଅନୁମତି ଦେଇନଥିବା ସୂଚନା ମିଳିଛି ।
ପୂର୍ବରୁ ଏନେଇ କରାଯାଇଥିବା ଆବେଦନକୁ ପ୍ରଶାସନ ଖାରଜ କରିଥିବାବେଳେ ସଦ୍ୟ ଦିଆଯାଇଥିବା ଆବେଦନକୁ ମଧ୍ୟ ପ୍ରଶାସନ ଖାରଜ କରିଛି । କୋରୋନା ଭାଇରସକୁ ଲକ୍ଷ୍ୟ କରି ଜିଲ୍ଲା ପ୍ରଶାସନ ଏପରି ନିଷ୍ପତ୍ତି ନେଇଥିବା କୁହାଯାଉଛି ।
ଗୁରୁବାର ପ୍ରଶାସନ 10 ଦିନ ପାଇଁ ସ୍କୁଲ ବନ୍ଦ କରିବା ସହିତ କୌଣସି ସ୍ଥାନରେ ଅଧିକ ଲୋକ ଏକାଠି ନହେବାକୁ ନିର୍ଦ୍ଦେଶ ଜାରି କରିଛି। ଯାହାକୁ ଲକ୍ଷ୍ୟ କରି ଏପରି ନିଷ୍ପତ୍ତି ନିଆଯାଇଥିବା ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
