ସିମଲା: ହିମାଚଳ ପ୍ରଦେଶର ସିମଲାର ରାମପୁର ଠାରେ ଭୂସ୍ଖଳନ ହୋଇଛି । ପାହାଡ ଧସି ହୋଇ ୫ ନମ୍ବର ଜାତୀୟ ରାଜପଥ ବନ୍ଦ ଯୋଗୁଁ ଗାଡି ଚଳାଚଳ ବାଧାପ୍ରାପ୍ତ ହୋଇଛି। ତେବେ ଏ ପର୍ଯ୍ୟନ୍ତ ଭୂସ୍ଖଳନରେ କେହି ମୃତାହତ ହୋଇନଥିବା ବେଳେ ଅଳ୍ପକିଛି ଗାଡି ଭାଙ୍ଗିରୁଜି ଯାଇଛି । ଭୂସ୍ଖଳନ ପରେ ଏନଏଚଆଇ ତରଫରୁ ରାସ୍ତା ସଫେଇ କାର୍ଯ୍ୟ ଜାରି ରହିଛି ।
ହିମାଚଳପ୍ରଦେଶ ରାମପୁରରେ ଭୂସ୍ଖଳନ, ୫ ନମ୍ବର ଜାତୀୟ ରାଜପଥ ଅବରୋଧ
ଗତ କିଛି ଦିନ ତଳେ କନୌର ଜିଲ୍ଲାରେ ବହୁବାର ଭୂସ୍ଖଳନ ହୋଇଛି । ନିଗୁଳସାରିରେ ପାହାଡ ଭାଙ୍ଗିବାରୁ ଭୂସ୍ଖଳନ ହୋଇଥିଲା । ଯେଉଁଥିରେ ପାଖାପାଖି ୨୦ ଜଣ ପ୍ରାଣ ହରାଇଥିଲେ । ଗତ କିଛି ଦିନ ଧରି ସର୍ଚ୍ଚ ଅପରେସନ ମଧ୍ୟ ଜାରି ରହିଥିଲା । ଏଥର ହିମାଚଳ ପ୍ରଦେଶରେ ଭୂସ୍ଖଳନ ଘଟଣା କ୍ରମାଗତ ଭାବେ ବୃଦ୍ଧି ପାଇଛି। ପାହାଡ ଅଞ୍ଚଳ ଦେଇ ଯାଉଥିବା ଲୋକଙ୍କୁ ରାସ୍ତାରେ ସତର୍କତାର ସହିତ ଯାତ୍ରା କରିବାକୁ ପରାମର୍ଶ ଦିଆଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
