ସରକାରୀ କାର୍ଯ୍ୟାଳୟରେ ପଶି ଅଧିକାରୀଙ୍କ ମୁଣ୍ଡରେ ପିସ୍ତଲ ଲଗାଇଲେ ଦୁର୍ବୃତ୍ତ, ଭିଡିଓ ଭାଇରାଲ

ବିହାରରେ ଅପରାଧି ମାନୁନାହାନ୍ତି ଆଇନକାନୁନ । ସରକାରୀ କାର୍ଯ୍ୟାଳୟରେ ପଶି ଅଧିକାରୀଙ୍କ ମୁଣ୍ଡରେ ପିସ୍ତଲ ଲଗାଇଲେ ଦୁର୍ବୃତ୍ତ । ଅଧିକ ପଢନ୍ତୁ

ପାଟଣା: ଅପରାଧୀ ମାନୁନାହାନ୍ତି ଆଇନକାନୁନ । ସରକାରୀ କାର୍ଯ୍ୟାଳୟରେ ପଶି ସରକାରୀ ଅଫିସରଙ୍କ ମୁଣ୍ଡରେ ପିସ୍ତଲ ଲଗାଇଲେ ଦୁର୍ବୃତ୍ତ । ଏପରି ଘଟଣା ଦେଖିବାକୁ ମିଳିଛି ବିହାର ଜହାନାବାଦର ଏକ ସରକାରୀ କାର୍ଯ୍ୟାଳୟରେ । ସରକାରୀ କାର୍ଯ୍ୟାଳୟରେ କିଛି ଦୁର୍ବୃତ୍ତ ପିଶି ସରକାରୀ ବାବୁଙ୍କୁ ପିସ୍ତଲ ଦେଖାଇ ଧମକାଉଥିବାର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଏହି ଘଟଣା ବିହାର ଜାହାନାବାଦର ସକୁରାବାଦ ଗାଁରେ ଥିବା ଏକ ରାଜସ୍ବ କାର୍ଯ୍ୟାଳୟର ଏକ ଘଟଣା ବୋଲି ଜାହାନାବାଦ ପୋଲିସ ସୂଚନା ଦେଇଛି ।

ଭିଡିଓରେ ଦେଖିବାକୁ ମିଳିଛି, କିଛି ଦୁର୍ବୃତ୍ତ କାର୍ଯ୍ୟାଳୟ ମଧ୍ଯରେ ପ୍ରବେଶ କରିଥିଲେ । 3-4 ଜଣ ବ୍ଯକ୍ତି କାର୍ଯ୍ୟାଳୟରେ ପିଶି ଜିନିଷପତ୍ର ଫିଙ୍ଗାଫିଙ୍ଗି କରିଥିଲେ । ସେଠାରେ ଥିବା ରାଜସ୍ବ ଅଧିକାରୀଙ୍କୁ ଧମକାଇବା ସହ ତାଙ୍କୁ ମାରପିଟ ମଧ୍ୟ କରିଥିଲେ । ପରେ ଦୁର୍ବୃତ୍ତ ଏବଂ ଅଧିକାରୀଙ୍କ ମଧ୍ୟରେ ଅଧିକ ବଚସା ହେବା ପେର ଦୁର୍ବୃତ୍ତ ଜଣକ ତାଙ୍କୁ ପିସ୍ତଲ ଦେଖାଇ ଧମକ ଦେଉଥିବା ଭିଡିଓରେ ଦେଖିବାକୁ ମିଳିଛି । କାର୍ଯ୍ୟାଳୟରେ ଉପସ୍ଥିତ ଥିବା କର୍ମଚାରୀ ତାଙ୍କୁ ରୋକିବାକୁ ଚେଷ୍ଟା କରୁଥିବା ବେଳେ ତାଙ୍କୁ ମଧ୍ୟ ବନ୍ଧୁକ ଦେଖାଇ ଡରାଇବାକୁ ଚେଷ୍ଟା କରାଯାଉଥିବା ଭିଡିଓରେ ଦେଖିବାକୁ ପାଇବେ ।

ଏହି ଘଟଣାକୁ ନେଇ ଜାହାନାବାଦ ଏସିପି ଦୀପକ ରଞ୍ଜନ କହିଛନ୍ତି, ‘‘ଏହି ମାମଲାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଏହାର ସତ୍ୟତା ଜଣିବା ପାଇଁ ସେ ଏକ ଟିମ୍ ଗଠନ କରିଥିଲେ । ଏହି ଘଟଣା କେଉଁଠାର ଓ ଭିଡିଓରେ ଥିବା ଦର୍ବୃତ୍ତମାନଙ୍କୁ ଖୋଜିବା ପାଇଁ ଟିମ୍କୁ ନିର୍ଦ୍ଦେଶ ଦେଇଥିଲେ । ପୋଲିସ ଟିମର ଅନୁସନ୍ଧାନରୁ ଜଣାପଡିଥିଲା କି ଏହି ଘଟଣା ସକୁରାବାଦ ଗାଁରେ ଥିବା ଏକ ରାଜସ୍ବ କାର୍ଯ୍ୟାଳୟର । ଜମିବାଡି ବିବାଦକୁ ନେଇ ଦୁର୍ବୃତ୍ତମାନେ ଏପରି ଘଟଣା ଘଟାଇଛନ୍ତି । ଘଟଣାର ଭିଡିଓ ଭାଇରାଲ ହେବା ପରେ ଦୁର୍ବୃତ୍ତ ଫେରାର ଥିବା ବେଳେ ସେମାନଙ୍କୁ ଧରିବ ପାଇଁ ଏକ ସର୍ଚ୍ଚ ଅପରେସନ ଆରମ୍ଭ କରାଯାଇଛି । ଖୁବଶିଘ୍ର ସେମାନଙ୍କୁ ଧରାଯିବ । ଜିଳ୍ଲାରେ କୌଣସି ପ୍ରକାର ଅପରାଧିକ ଗତିବିଧିକୁ ପ୍ରୋତ୍ସାହନ ଦିଆଯିବ ନାହିଁ ।’’

ବ୍ୟୁରୋ ରିପୋର୍ଟ, ଇଟିଭି ଭାରତ