ନୂଆଦିଲ୍ଲୀ: ବିମାନ ଚଳାଚଳ କ୍ଷେତ୍ରରେ ଜାରି ହୋଇଥିବା ପୂର୍ବ କଟକଣାକୁ ସାମାନ୍ୟ କୋହଳ କଲା ବେସାମରିକ ବିମାନ ଚଳାଚଳ ମନ୍ତ୍ରଣାଳୟ । ପୂର୍ବରୁ ଯାତ୍ରୀ କ୍ଷମତା 72.5% ଥିବାବେଳେ ବର୍ତ୍ତମାନ ଏହାକୁ 85% କୁ ବୃଦ୍ଧି କରିବା ପାଇଁ ଅନୁମତି ଦେଇଛି ମନ୍ତ୍ରଣାଳୟ ।
ମନ୍ତ୍ରଣାଳୟ ପକ୍ଷରୁ ଜାରି ନିର୍ଦ୍ଦେଶ ଅନୁସାରେ, ଅଗଷ୍ଟ 12 ରୁ ପରିବହନକାରୀମାନେ ସେମାନଙ୍କ ପ୍ରି-କୋଭିଡ ଘରୋଇ ବିମାନର 72.5 ପ୍ରତିଶତ ଯାତ୍ରୀ କ୍ଷମତା ଅନୁସାରେ ଯାତ୍ରା କରୁଛନ୍ତି। ସେହିପରି ପୂର୍ବରୁ ଅର୍ଥାତ ଜୁଲାଇ 5 ରୁ ଅଗଷ୍ଟ 12 ମଧ୍ୟରେ ମାତ୍ର 65% କ୍ଷମତା ଥିବାବେଳେ ଜୁନ୍ 1 ରୁ ଜୁଲାଇ 5 ମଧ୍ୟରେ କ୍ୟାପ୍ 50 ପ୍ରତିଶତ ଥିଲା।
ସହଯାତ୍ରୀ ପରିବହନ ଜାରି ରଖିଥିଲେ ବିଭିନ୍ନ ଘରୋଇ କମ୍ପାନୀ । ବର୍ତ୍ତମାନ କେବଳ 15 ଦିନ ପାଇଁ ଭଡା ବ୍ୟାଣ୍ଡ ପ୍ରଯୁଜ୍ୟ ହେବ, ମାସର ଅବଶିଷ୍ଟ 15 ଦିନ ପାଇଁ ଏୟାରଲାଇନ୍ସ ଭଡା ବ୍ୟାଣ୍ଡରେ ରହିବା ଆବଶ୍ୟକ ନୁହେଁ ବୋଲି ମନ୍ତ୍ରଣାଳର ପକ୍ଷରୁ ନିଷ୍ପତ୍ତି ନେଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
