ଶ୍ରୀନଗର: ଆଜି(ଗୁରୁବାର) ଜମ୍ମୁ-କାଶ୍ମୀରର ଉଦ୍ଧମପୁରରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ରାସ୍ତାରେ ଯାଉଥିବା ସମୟରେ ଗୋଟିଏ ମିନି ବସ୍ ଗଭୀର ଖାଇକୁ ଖସି ପଡିଛି । ଏଥିରେ ପ୍ରାୟ ୧୫ ଜଣ ଗୁରୁତର ଆହତ ହୋଇଛନ୍ତି । ଆହତଙ୍କ ମଧ୍ୟରେ ୧୨ ଜଣ ସ୍କୁଲ ଛାତ୍ରଛାତ୍ରୀ ରହିଥିବା ଜଣାପଡିଛି । ସମସ୍ତଙ୍କୁ ଉଦ୍ଧମପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆଜି ସକାଳ ପ୍ରାୟ ୭ଟା ସମୟରେ ଏହି ଅଘଟଣ ଘଟିଛି । ଖରାପ ରାସ୍ତା ଯୋଗୁଁ ବସ୍ଟି ଏପରି ଦୁର୍ଘଟଣାଗ୍ରସ୍ତ ହୋଇଥିବା କୁହାଯାଉଛି । ଘଟଣାସ୍ଥଳରୁ ସମସ୍ତଙ୍କୁ ଉଦ୍ଧାର କରାଯାଇଛି ।
ଖାଇକୁ ଖସିଲା ମିନି ବସ୍: ୧୫ ଗୁରୁତର ଆହତ
ସୂଚନା ଅନୁଯାୟୀ, ମିନି ବସଟି ବରମୀନରୁ ଉଦ୍ଧମପୁର ଅଭିମୁଖେ ଯାଉଥିଲା । ବସ୍ରେ ମୋଟ ୧୨ ଜଣ ସ୍କୁଲ ପିଲା ଥିଲେ । ବାଟରେ ଯାଉଥିବା ବେଳେ ମସୋରା ନିକଟରେ ଏହା ଏକ ଖାଇ ମଧ୍ୟକୁ ଖସି ପଡିଥିଲା ।
