ଗାନ୍ଧୀନଗର: ଗୁଜୁରାଟର ଭଦୋଦରାରେ ଥିବା ଫୋନିକ୍ସ ସ୍କୁଲରେ ଭୟାବହ ଅଗ୍ନିକାଣ୍ଡ । ଶୁକ୍ରବାର ସକାଳେ ଏହି ଅଗ୍ନିକାଣ୍ଡ ଘଟିଥିବା ବେଳେ ଅଳ୍ପକେ ବର୍ତ୍ତିଯାଇଛନ୍ତି ବିଦ୍ୟାଳୟ ଛାତ୍ରଛାତ୍ରୀ । ଯାହାକୁ ନେଇ ସ୍କୁଲରେ ଭୟର ବାତାବରଣ ସୃଷ୍ଟି ହୋଇଥିଲା । ଏନେଇ ଖବର ପାଇ ପୋଲିସ ଓ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା ।
ସ୍କୁଲରେ ଲାଗିଲା ନିଆଁ, ଝରକା ପଟେ ଛାତ୍ରଛତ୍ରୀଙ୍କୁ ଉଦ୍ଧାର କଲା ଅଗ୍ନିଶମ ବିଭାଗ
ସିଡି ସାହାଯ୍ୟରେ ସ୍କୁଲର ଏକ କ୍ଲସ ରୁମର ଝରକା ପଟେ ଛାତ୍ରଛାତ୍ରୀଙ୍କ ଉଦ୍ଧାର କରାଯାଇଥିଲା । ମାକରପୁର ଅଞ୍ଚଳରେ ଥିବା ସ୍କୁଲରେ ଏହି ଅଘଟମା ଘଟିଥିଲା । ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ବେଳେ ବିଦ୍ଯାଳୟ ପରିସର ପୁରା ଧୂଆଁମୟ ହୋଇଯାଇଥିଲା । ତେବେ ବିଦ୍ୟାଳୟରେ ଅଗ୍ନି ନିରାପତ୍ତା ବ୍ୟବସ୍ଥା ନେଇ ଅଭିଭାବକ ଦାବି କରିଛନ୍ତି ।
