ବେଙ୍ଗାଲୁରୁ: କର୍ଣ୍ଣାଟକରେ ହିଜାବ ପିନ୍ଧି କଲେଜ୍ ଆସିବାକୁ ଜିଦ୍ ଧରି ସସ୍ପେଣ୍ଡ ହୋଇଥିବା ଛାତ୍ରୀ ପୁନଃ କଲେଜ୍ ଆସିବା ଆରମ୍ଭ କରିଛନ୍ତି । ଗତ ବୁଧବାରଠାରୁ ୭ ଜଣ ଛାତ୍ରୀ ହିଜାବ ଜିଦ୍ ଛାଡ଼ି ପୁଣି କ୍ଲାସ୍ରେ ଯୋଗ ଦେଇଛନ୍ତି । ଏହାଦ୍ବାରା ଅନ୍ୟ ଛାତ୍ରୀ ପ୍ରେରଣା ପାଇବେ ବୋଲି କର୍ଣ୍ଣାଟକ ଶିକ୍ଷା ବିଭାଗ ପକ୍ଷରୁ କୁହାଯାଇଛି ।
ଗତ ସପ୍ତାହରେ ଦକ୍ଷଣ କନ୍ନଡ଼ ଜିଲ୍ଲାରେ ଥିବା ଉପ୍ପିନାଙ୍ଗାଦି ସରକାରୀ କଲେଜରେ ମୋଟ ୨୪ ଜଣ ଛାତ୍ରୀ ହିଜାବ ପିନ୍ଧିବାକୁ ଜିଦ ଧରି ସସ୍ପେଣ୍ଡ ହୋଇଥିଲେ । ସେମାନଙ୍କ ମଧ୍ୟରୁ ୭ ଜଣ କ୍ଷମା ଯାଚନା କରିବା ପରେ କ୍ଲାସରେ ଯୋଗ ଦେବା ଆରମ୍ଭ କରିଛନ୍ତି । ଏହାକୁ ନେଇ କଲେଜ ପ୍ରିନ୍ସିପାଲ ଶେଖର ଏମ୍. ଡି ସୂଚନା ଦେଇଛନ୍ତି ।
ଗତ ସପ୍ତାହରେ ଛାତ୍ରୀଙ୍କୁ ମିଶାଇ ମୋଟ ୧୦୧ ଛାତ୍ରୀ ହିଜାବ ପିନ୍ଧିବାକୁ ଜିଦ ଧରି ବସିଥିଲେ । ଏହାକୁ ନେଇ କର୍ଣ୍ଣାଟକ ଶିକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି ।
