ଲକ୍ଷ୍ନୌ: ଉତ୍ତରପ୍ରଦେଶ ହାପୁର ଜିଲ୍ଲାରେ ଏକ ରାସାୟନିକ କାରଖାନାରେ ଅଗ୍ନିକାଣ୍ଡ ଘଟିଛି । କାରଖାନାର ଏକ ବଏଲରରେ କୌଣସି କାରଣବଶତଃ ନିଆଁ ଲାଗିଯିବା ପରେ ବିସ୍ଫୋରଣ ଘଟିଛି । ବର୍ତ୍ତମାନ ସୁଦ୍ଧା କାର୍ଯ୍ୟରତ 6 କର୍ମଚାରୀ ପ୍ରାଣ ହରାଇଥିବା ପ୍ରାଥମିକ ଭାବେ ସୂଚନା ମିଳିଛି । ଅନ୍ୟ କିଛି ମଧ୍ୟ ଆହତ ହୋଇଛନ୍ତି ଓ ଫସି ରହିଥିବା ମଧ୍ୟ ସନ୍ଦେହ କରାଯାଉଛି ।
ଏବେ ମଧ୍ୟ ନିଆଁକୁ ଆୟତ କରାଯାଇ ପାରିନାହିଁ । ଅନ୍ୟ କିଛି କର୍ମଚାରୀ ଅଗ୍ନିକାଣ୍ଡରେ କାରଖାନା ପରିସରରେ ଫସି ରହିଥିବା ଜଣାଯାଇଛି । ଅଗ୍ନିଶମ ବାହିନୀର 5ରୁ ଊର୍ଦ୍ଧ୍ବ ଟିମ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା କାର୍ଯ୍ୟରେ ଲାଗିଛନ୍ତି । ସ୍ଥାନୀୟ ପ୍ରଶାସନ ଓ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଛି । ଫସିଥିବା କର୍ମଚାରୀଙ୍କୁ ସୁରକ୍ଷିତ ଉଦ୍ଧାର କରିବା ପାଇଁ ପ୍ରକ୍ରିୟା ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
