ଇମ୍ଫାଲ: ମଣିପୁରରେ ଫେସବୁକ ପୋଷ୍ଟକୁ ନେଇ 133 ଦିନ ପରେ ଜେଲରୁ ମୁକୁଳିଥିବା ସାମ୍ବାଦିକ ପୁଣି ଥରେ ହୋଇଛନ୍ତି ଗିରଫ । ଏଥର ମଣିପୁରରେ ସ୍ଥାନୀୟ ସାମ୍ବାଦିକ କିଶୋରଚନ୍ଦ୍ର ୱାଙ୍ଗଖେମ ଆଉ ଏକ ଫେସବୁକ ପୋଷ୍ଟ ଯୋଗୁଁ ଗିରଫ ହୋଇଛନ୍ତି ।
ମଣିପୁରରେ କୋରୋନା କାରଣରୁ ବିଜେପି ନେତାଙ୍କ ମୃତ୍ୟୁକୁ ନେଇ ବିବାଦୀୟ ସୋସିଆଲ ମିଡିଆ ପୋଷ୍ଟ କରିଥିବାରୁ ସାମ୍ବାଦିକ କିଶୋର ଚନ୍ଦ୍ର ୱାଙ୍ଗଖେମ ଏବଂ ସମାଜସେବୀ ଏରେଣ୍ଡ୍ରୋ ଲିଚୋମ୍ବମଙ୍କୁ ଗିରଫ କରାଯାଇଛି ।
ମଣିପୁର ବିଜେପି ପ୍ରଫେସର ସୌଖୋମ ଟିକେନ୍ଦ୍ର ସିଂହଙ୍କ କୋଭିଡ ମହାମାରୀରେ ମୃତ୍ୟୁ ହେବା ପରେ ୱାଙ୍ଗକେମ ଏବଂ ଲିଚମ୍ବମ୍ ଫେସବୁକରେ ଏକ ବିବାଦୀୟ ପୋଷ୍ଟ ପୋଷ୍ଟ କରିଥିଲେ। ଏହାପୂର୍ବରୁ ସୌଖମ ଟିକେନ୍ଦ୍ର ସିଂହଙ୍କ ଇମ୍ଫାଲର ଏକ ଡାକ୍ତରଖାନାରେ ଦେହାନ୍ତ ହୋଇଥିଲା ।
