କୋଲକାତା: ପଶ୍ଚିମବଙ୍ଗରେ ତୃଣମୂଳ କଂଗ୍ରେସକୁ ମିଳିଛି ପ୍ରଚଣ୍ଡ ବହୁମତ । କ୍ରମାଗତ ତୃତୀୟ ଥର ପାଇଁ ସରକାର ଗଠନ କରିବାକୁ ଯାଉଛି ଟିଏଏମସି । ତେବେ ଦଳୀୟ ବୈଠକରେ ସର୍ବସମ୍ମତି କ୍ରମେ ମମତା ବାନାର୍ଜୀଙ୍କୁ ବିଧାୟକ ଦଳର ନେତା ଭାବରେ ଚୟନ କରାଯାଇଛି । ଏହାରି ମଧ୍ୟରେ ଖବର ଆସିଛି ଯେ 5 ମେରେ ଶପଥ ନେବେ ମୁଖ୍ୟମନ୍ତ୍ରୀ ମମତା ବାନାର୍ଜୀ ।
ମେ 5ରେ ମୁଖ୍ୟମନ୍ତ୍ରୀ ପଦର ଶପଥ ନେବେ ମମତା ବାନାର୍ଜୀ । ଏହାପର ଦିନ ଅନ୍ୟ ବିଧାୟକମାନେ ଶପଥ ଗ୍ରହଣ କରିବେ । ତେବେ ମନ୍ତ୍ରୀମଣ୍ଡଳକୁ ନେଇ କଣ ରଣନୀତି ପ୍ରସ୍ତୁତ କରାଯାଇଛି ତାହା ଜଣାପଡିନାହିଁ ।
ରବିବାର ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳାଫଳ ଘୋଷଣା ହୋଇଥିଲା । ତେବେ ରାଜ୍ୟରେ ତୃଣମୂଳ କଂଗ୍ରେସ କ୍ଷମତାକୁ ଫେରିଥିବାବେଳେ ନନ୍ଦିଗ୍ରାମ ଆସନରୁ ହାରିଯାଇଥିଲେ ଦଳର ମୁଖିଆ ମମତା ବାନାର୍ଜୀ । 1765 ଆସନରେ ମମତାଙ୍କୁ ହରାଇଛନ୍ତି ବିଜେପିର ଶୁଭେନ୍ଦୁ ଅଧିକାରୀ ।
