ମୁମ୍ବାଇ: ଗୁଜୁରାଟରେ ମୁକେଶ ଅମ୍ବାନୀଙ୍କ ଜାମନଗର ପ୍ଲାଣ୍ଟରୁ ମହାରାଷ୍ଟ୍ର ଅମ୍ଳଜାନ ପାଇବାକୁ ଯାଉଛି । ଏଥିପାଇଁ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ରିଲାଏନ୍ସ ଗ୍ରୁପ୍ ସହ ଆଲୋଚନା କରିଥିବା ଜଣାପଡିଛି । ମହାରାଷ୍ଟ୍ର ରିଲାଏନ୍ସ ଗ୍ରୁପରୁ ପ୍ରାୟ 100 ମେଟ୍ରିକ୍ ଟନ୍ ଅମ୍ଳଜାନ ଗ୍ରହଣ କରିବ । ତେବେ ଏଥିପାଇଁ ରିଲାଏନ୍ସ କୌଣସି ଶୁଳ୍କ ନେବ ନାହିଁ ବୋଲି ସୂଚନା ଦେଇଛି ।
ଦେଶରେ ସମସ୍ତ ରାଜ୍ୟ ଅପେକ୍ଷା ମହାରାଷ୍ଟ୍ରରେ କୋରୋନାର ପ୍ରଭାବ ଅଧିକ ରହିଛି । ଆକ୍ରାନ୍ତଙ୍କ ଚିକିତ୍ସା ଲାଗି ମଧ୍ୟ ଅମ୍ଳଜାନର ଅଭାବ ରହିଛି । ରାଜ୍ୟରେ ପ୍ରତିଦିନ 12 ହଜାର ମେଟ୍ରିକ ଟନ ଅମ୍ଳଜାନକୁ ଉତ୍ପାଦ କରାଯାଉଥିଲେ ମଧ୍ୟ ଏହାର ଅଭାବ ଦେଖାଦେଉଛି । ବର୍ତ୍ତମାନର ପରିସ୍ଥିତିକୁ ଲକ୍ଷ୍ୟ କରାଯାଇ ଆକ୍ରାନ୍ତଙ୍କ ଚିକିତ୍ସା ଲାଗି 100 ମେଟ୍ରିକ ଟନ ଅମ୍ଳଜାନ ପ୍ରଦାନ କରାଯାଉଛି । ରାଜ୍ୟରେ ଅମ୍ଳଜାନର ମାତ୍ରାଧିକ ଅଭାବ ଦେଖାଦେବାରୁ ଅନ୍ୟ ରାଜ୍ୟମାନେ ମହାରାଷ୍ଟ୍ରକୁ ବାୟୁମଣ୍ଡଳ ମାଧ୍ୟମରେ ଅମ୍ଳଜାନ ପ୍ରଦାନ କରିବାକୁ ସେ ଦାବି କରିଛନ୍ତି ।
ରିଲାଏନ୍ସ ଗ୍ରୁପର ମୁଖ୍ୟ ମୁକେଶ ଅମ୍ବାନୀଙ୍କ ସହିତ ମୁଖ୍ୟମନ୍ତ୍ରୀଙ୍କ ଆଲୋଚନା ପରେ ସେ 100 ମେଟ୍ରିକ ଟନ ଅମ୍ଳଜାନ ଦେବା ପାଇଁ କହିଛନ୍ତି । ଏ ସମ୍ପର୍କରେ ରିଲାଏନ୍ସ ଗ୍ରୁପର ଜନସମ୍ପର୍କ ଅଧିକାରୀ କହିଛନ୍ତି ଯେ ଏଥିଲାଗି ରିଲାଏନ୍ସ ଗ୍ରୁପରୁ କୌଣସି ରାଶି ଆଦାୟ କରାଯିବ ନାହିଁ । ସମ୍ପ୍ରତି ମହାରାଷ୍ଟ୍ରରେ କୋରୋନାର ପ୍ରଭାବ ବଢୁଥିବା କାରଣରୁ ଅମ୍ଳଜାନ ଅଭାବ ପାଇଁ ଲୋକମାନେ ଡାକ୍ତରଖାନାରେ ମୃତ୍ୟୁ ବରଣ କରୁଛନ୍ତି । ତେଣୁ ମାନବିକତା ଦୃଷ୍ଟିରୁ ଏହି ସହାୟତା ରାଜ୍ୟ ସରକାରଙ୍କୁ ରିଲାଏନ୍ସ ପ୍ରଦାନ କରିବ ।
ନଗର ଉନ୍ନୟନ ମନ୍ତ୍ରୀ ଏକନାଥ ସିନ୍ଦେ ତଲୋଜାରେ ଲିଣ୍ଡେ କମ୍ପାନୀର ଅମ୍ଳଜାନ କାରଖାନା ପରିଦର୍ଶନ କରି ଏହି କମ୍ପାନୀର କାର୍ଯ୍ୟର ସମୀକ୍ଷା କରିଥିଲେ । ଏହାପରେ ରାଜ୍ୟ ସରକାର ରିଲାଏନ୍ସ ଗ୍ରୁପରୁ ଅମ୍ଳଜାନ ଆଣିବେ ବୋଲି କହିଥିଲେ । ଲିଣ୍ଡେ କମ୍ପାନୀ ବର୍ତ୍ତମାନ ମୁମ୍ବାଇ, ଥାନେ, ରାଇଗଡ, ପାଲଘର, ପୁଣେ, ନାଗର ଏବଂ ଔରଙ୍ଗାବାଦକୁ ଅମ୍ଳଜାନ ଯୋଗାଉଛି । କମ୍ପାନୀ ବର୍ତ୍ତମାନ ଏହାର ପୂର୍ଣ୍ଣ କ୍ଷମତା ଅନୁଯାୟୀ 230 ମେଟ୍ରିକ୍ ଟନ୍ ଅମ୍ଳଜାନ ଉତ୍ପାଦନ କରୁଛି । ଏହି କମ୍ପାନୀରୁ ଅମ୍ଳଜାନ ଯୋଗାଣ ଏବଂ ବଣ୍ଟନ ସୁଗମ ହେବା ଉଚିତ ଏବଂ ଯେକୌଣସି ସମସ୍ୟାର ତୁରନ୍ତ ସମାଧାନ କରିବାକୁ ଏକନାଥ ସିନ୍ଦେ ଉପସ୍ଥିତ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
