ଭୋପାଳ: ମଧ୍ୟ ପ୍ରଦେଶରେ ପୁଣି ଶିବରାଜ ସରକାର ! ଆଉ କିଛି ସମୟରେ ସ୍ପଷ୍ଟ ହୋଇଯିବ ଚିତ୍ର । ବିଜେପି ସପକ୍ଷରେ ନିର୍ବାଚନୀ ପବନ ବହିଲାଣି । ରିପୋର୍ଟ ଲେଖାଯିବା ସୁଦ୍ଧା ରାଜ୍ୟରେ 157 ଆସନରେ ବିଜେପି ଆଗୁଆ ରହିଛି । ଆଗୁଆ ରହିଥିଲେ ବି ଦଳକୁ ଏକ ଶକ୍ତ ଝଟକା ଲାଗିଛି । କେନ୍ଦ୍ରମନ୍ତ୍ରୀ ଫଗାନ ସିଂହ କୁଲସ୍ତେ ନିବାସୀ ବିଧାନସଭା ଆସନରୁ ପରାସ୍ତ ହୋଇଛନ୍ତି ।
ମଣ୍ଡଳାର ନିବାସୀ ଆସନରୁ କେନ୍ଦ୍ରମନ୍ତ୍ରୀ ଫଗାନ ସିଂହ କୁଲସ୍ତେଙ୍କୁ ପ୍ରାର୍ଥୀ କରିଥିବା ବିଜେପି । ମଧ୍ୟପ୍ରେଦେଶରେ ବିଜେପି ଆଗରେ ଥିଲେ ବି ଫଗାନ ଫେଲ ମାରିଛନ୍ତି । 11 ହଜାର ଭୋଟରେ ହାରିଛନ୍ତି ଫଗାନ ସିଂହ କୁଲସ୍ତେ । ଏହି ଆସନରେ କଂଗ୍ରେସ ପ୍ରାର୍ଥୀ ବାଜି ମାରି ନେଇଛନ୍ତି । ଆରମ୍ଭରୁ 8 ହଜାର ଭୋଟରେ ପଛରେ ଚାଲୁଥିଲେ ଫଗାନ । ଆଉ ପଛରେ ହିଁ ରହିଗଲେ । ମାର୍ଜିନ କମ କରି ପାରିନଥିଲେ । ବର୍ତ୍ତମାନ ଫଗାନ ରାଜ୍ୟ ଗ୍ରାମୀଣ ବିକାଶ ମନ୍ତ୍ରୀ ଅଛନ୍ତି । ଶିବରାଜ ସିଂହ ଚୌହାନଙ୍କ ସ୍ଥାନରେ ଫଗାନ ମୁଖ୍ୟମନ୍ତ୍ରୀ ହେବା ନେଇ ଚର୍ଚ୍ଚା ହେଉଥିଲା ।
ମଧ୍ୟପ୍ରଦେଶର ଜଣେ ଆଦିବାସୀ ନେତା ଭାବରେ ସେ ଜଣାଶୁଣା । 2019ରେ ମଣ୍ଡଳାରୁ ଜିତି ଥିଲେ । ଏହାପୂର୍ବରୁ 1996 ଓ 2009 ଯାଏ ମଣ୍ଡଳ ଲୋକସଭା ସଂସଦୀୟ କ୍ଷେତ୍ରରୁ ସାଂସଦ ଥିଲେ । 2012ରେ ରାଜ୍ୟସଭା ଯାଇଥିଲେ । 2014ରେ ପୁଣି ଲୋକସଭା ନିର୍ବାଚନରେ ଜିତିଥିଲେ । ନିବାସୀ ଆସନରୁ କଂଗ୍ରେସ ଚେନ ସିଂହ ବରକଡେଙ୍କୁ ପ୍ରାର୍ଥୀ କରିଥିଲା । ଏହାପୂର୍ବରୁ ମଧ୍ୟ କଂଗ୍ରେସର ଅଶୋକ ମର୍ସକୋଲେ ବିଧାୟକ ଥିଲେ ।
