ଲକ୍ଷ୍ନୌ: ଉତ୍ତରପ୍ରଦେଶ ଲକ୍ଷ୍ମୀପୁର ଖେରୀ ହିଂସା ଘଟଣା ଏବେ ଧିରେ ଧିରେ ରାଜନୈତିକ ମୋଡ ନେବାରେ ଲାଗିଛି । ଏହାରି ମଧ୍ୟରେ ଗିରଫ ହୋଇଛନ୍ତି କଂଗ୍ରେସର ସାଧାରଣ ସଂପାଦିକା ପ୍ରିୟଙ୍କା ଗାନ୍ଧୀ । ସୀତାପୁରରୁ ପ୍ରିୟଙ୍କାଙ୍କୁ ଗିରଫ କରିଛି ପୋଲିସ । ଲକ୍ଷ୍ମୀପୁର ଖେରୀ ଯିବା ପାଇଁ ପ୍ରିୟଙ୍କାଙ୍କୁ ଅଟକାଇଥିଲା ଉତ୍ତରପ୍ରଦେଶ ପୋଲିସ ।
ସୂଚନା ଅନୁଯାୟୀ ପ୍ରିୟଙ୍କା ଗାନ୍ଧୀଙ୍କ ବିରୋଧରେ ମାମଲା ରୁଜୁ କରିଛି ପୋଲିସ । ତାଙ୍କୁ ସୀତାପୁର ପିଏସସି ଗେଷ୍ଟହାଉସରେ ବର୍ତ୍ତମାନ ରଖାଯାଇଛି । ପ୍ରିୟଙ୍କା ଗାନ୍ଧୀଙ୍କ ପାଇଁ ଗେଷ୍ଟହାଉସକୁ ଅସ୍ଥାୟୀ ଜେଲ କରାଯାଇଛି । ତାଙ୍କ ବିରୋଧରେ ଧାରା ୧୫୧, ୧୦୭ ଓ ୧୬୬ ଆଧାରରେ ଲଗାଇଛି ପୋଲିସ ।
ରବିବାର ଲକ୍ଷ୍ମୀପୁର ଖେରୀରେ ହିଂସା ଉପୁଜିଥିଲା । ସେହି ରାତିରେ ହିଁ ଲକ୍ଷ୍ନୌ ପହଁଞ୍ଚି ଲକ୍ଷ୍ମୀପୁର ଖେରୀ ଅଭିମୁଖେ ଯାତ୍ରା ଆରମ୍ଭ କରିଥିଲେ । ସୋମବାମ ଭୋର ସମୟରେ ହରଗାଁ ପୋଲିସ ଚାଙ୍କୁ ରାସ୍ତାରେ ଅଟକାଇଥିଲେ । ପରେ ପ୍ରିୟଙ୍କାଙ୍କୁ ଗୃହବନ୍ଦୀ କରାଯାଇଥିଲା । ତେବେ ଦୀର୍ଘ ଘଣ୍ଟା ପରେ ସେ ଗିରଫ ହୋଇଥିବା ସ୍ପଷ୍ଟ ହୋଇଛି ।
ପ୍ରିୟଙ୍କାଙ୍କ ବିରୋଧରେ ଧାରା ୧୫୧, ୧୦୭ ଆଧାରରେ ମାମଲା ରୁଜୁ କରି ଗିରଫ କରାଯାଇଛି । ସୂଚନା ଅନୁଯାୟୀ, ,ସିଆରପିସି ଧାରା ୧୧୬ ଆଧରରେ ଏସଡିଏମ କୋର୍ଟ ମାମଲାର ଶୁଣାଣି କରିବେ । ପ୍ରିୟଙ୍କା ସୋମବାରଠାରୁ ହିଁ ପିଏସି ଗେଷ୍ଟହାଉସରେ ଅଛନ୍ତି । ସେହି ଗେଷ୍ଟହାଉସରେ ହିଁ ଅସ୍ଥାୟୀ ଜେଲ କରାଯାଇଛି । ଏପଟେ ପ୍ରିୟଙ୍କାଙ୍କ ଗିରଫଦାରୀକୁ ନେଇ ସମର୍ଥକମାନେ ଜୋରଦାର ହଙ୍ଗାମା କରୁଛନ୍ତି ।
