ଶ୍ରୀନଗର: ଲଦାଖ ସ୍ବୟଂଶାସିତ ପର୍ବତ ବିକାଶ ପରିଷଦ (LAHDC) ଲଦାଖକୁ ଏକ ସ୍ବତନ୍ତ୍ର ରାଜ୍ୟ ମାନ୍ୟତା ପାଇଁ ଏକ ସଂକଳ୍ପ ପାରିତ କରିଛି । ଲେହ ଓ କାର୍ଗିଲ ଜିଲ୍ଲା ପାଇଁ ସ୍ବତନ୍ତ୍ର ଲୋକସଭା ଆସନ ପାଇଁ ଗତ ନଭେମ୍ବର ୧୦ ତାରିଖରେ ବିଜେପି ନେତୃତ୍ବାଧୀନ ଲେହ ମଧ୍ୟ ସାମ୍ବିଧାନିକ ସୁରକ୍ଷା ଦୃଷ୍ଟିରୁ ଏଭଳି ସଂକଳ୍ପ ପାରିତ ହୋଇଥିଲା ।
ଏହି ସଂକଳ୍ପ ଉପସ୍ଥାପନ କରି LAHDCର କାର୍ଯ୍ୟନିର୍ବାହୀ କାଉନସିଲର ପଞ୍ଚୋକ ତାଶି କହିଛନ୍ତି, "ସ୍ବତନ୍ତ୍ର ମାନ୍ୟତା ରଦ୍ଦ ହେବା ପରେ ଲଦାଖର ଜନସାଧାରଣଙ୍କ ପ୍ରତିନିଧିତ୍ବକୁ ନେଇ ଅସନ୍ତୋଷ ବଢୁଛି । ଜମି, ଚାକିରୀ, ସଂସ୍କୃତି ଏବଂ ପରିବେଶର ସୁରକ୍ଷାକୁ ନେଇ ଜନସାଧାରଣଙ୍କ ମଧ୍ୟରେ ଆଶଙ୍କା ଆହୁରି ବଢିଥିବା ଏହି ଚିଠିରେ ଦର୍ଶାଯାଇଛି । ଏଥିରେ କୁହାଯାଇଛି ଯେ ଲଦାଖକୁ ଏହାର ଅନନ୍ୟ ଭୌଗୋଳିକ ତଥା ସଂସ୍କୃତିକୁ ବିଚାର କରି ପୂର୍ଣ୍ଣ ରାଜ୍ୟ ପ୍ରଦାନ କରାଯିବା ଉଚିତ ।"
୨୦୧୯ରେ ଜମ୍ମୁ କାଶ୍ମୀରର ପୂର୍ବାଞ୍ଚଳର ପୁନର୍ଗଠନ ପରେ ସଂସଦରେ ଲଦାଖର କେବଳ ଜଣେ ପ୍ରତିନିଧୀ ରହିଛନ୍ତି । ସଂକଳ୍ପ ପତ୍ରରେ କୁହାଯାଇଛି ଯେ 'ସଂସଦ ନିର୍ବାଚନ କାର୍ଗିଲବାସୀଙ୍କୁ ଲେହ ଲୋକଙ୍କ ବିରୋଧରେ ପକାଇଥାଏ, କାରଣ ସେଠାରେ କେବଳ ଗୋଟିଏ ଆସନ ଅଛି। ଏହାଦ୍ବାରା ସ୍ଥାନୀୟ ଜନସଂଖ୍ୟା ମଧ୍ୟରେ ମତଭେଦ ମଧ୍ୟ ଜାତୀୟ ସୁରକ୍ଷା ପାଇଁ କ୍ଷତିକାରକ ହୋଇପାରେ । ଏଭଳି ଏକ ସମ୍ବେଦନଶୀଳ ଅଞ୍ଚଳରେ ସାମ୍ପ୍ରଦାୟିକ ସୌହାର୍ଦ୍ଦ୍ୟ ପ୍ରାଧାନ୍ୟ ଲାଭ କରିଥାଏ । କାରଣ ଏଠାରେ ଭାରତ ଯୁଦ୍ଧ ତଥା ବିବାଦର ସମ୍ମୁଖୀନ ହୋଇଥାଏ ।"
ଏହି ସଂକଳ୍ପରେ କୁହାଯାଇଛି ଯେ 'ଜମି, ସଂସ୍କୃତି, ଚାକିରୀ ଏବଂ ପରିବେଶ ସମ୍ବନ୍ଧରେ ଦିଆଯାଇଥିବା ସୁରକ୍ଷା ଆଉ ନାହିଁ । ଏହାକୁ ସମ୍ବିଧାନର ୬ସୂଚୀ ସଠିକ୍ ସୁରକ୍ଷା ସୁନିଶ୍ଚିତ କରିପାରିବ । ପଞ୍ଚୋକ ତାଶି ଏହି ସଂକଳ୍ପ ପାରିତକୁ ଐତିହାସିକ ଦିନ ବୋଲି କହିଛନ୍ତି । ସେ କହିଛନ୍ତି, LAHDCର ଅଧିକାଂଶ କାଉନସିଲର ଏହି ପ୍ରସ୍ତାବ ଗ୍ରହଣ କରିଛନ୍ତି । ଧାରା ୩୭୦ ଉଚ୍ଛେଦ ପରେ ଜମ୍ମୁକାଶ୍ମୀରକୁ ଅଲଗା କେନ୍ଦ୍ରଶାସିତ ଅଞ୍ଚଳର ମାନ୍ୟତା ମିଳିଥିଲା । ଏହି ଅଞ୍ଚଳର ଅଧିବାସୀ ଏବେ ଅଲଗା ରାଜ୍ୟର ମାନ୍ୟତା ପାଇଁ ଦାବି କରୁଛନ୍ତି ।
