ନୂଆଦିଲ୍ଲୀ: ଲୋକସଭାରେ ବୁଧବାର ଆର୍ଥିକ ବର୍ଷ ୨୦୨୩-୨୪ ପାଇଁ ବଜେଟ ଉପସ୍ଥାପନ କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ସଂସଦରେ ମୋଟ ୪୫ ଟ୍ରିଲିୟନ ବା ୪୫ ଲକ୍ଷ କୋଟି ଟଙ୍କାର ବଜେଟ ଉପସ୍ଥାପନ କରିଛନ୍ତି । ପୂର୍ବାହ୍ନ ୧୧ଟାରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୨୦୨୩-୨୪ ଆର୍ଥିକ ବର୍ଷ ଲାଗି ଚିଠା ଖୋଲିଛନ୍ତି । ବଜେଟରେ ଅର୍ଥମନ୍ତ୍ରୀ ଯାହା ବ୍ୟୟବରାଦ କରିଛନ୍ତି ତାହା କେଉଁଠୁ ଆସିବ ଓ କେଉଁ କ୍ଷେତ୍ରରେ ଖର୍ଚ୍ଚ ହେବ ଆସନ୍ତୁ ଜାଣିବା । ମୋଟ ବଜେଟକୁ ୧ ଟଙ୍କା ହିସାବ କଲେ କେତେ ପଇସା କେଉଁ କ୍ଷେତ୍ରରୁ ଆସିବ ଓ କେତେ ପଇସା କେଉଁ କ୍ଷେତ୍ରକୁ ଯିବ ତାହା ଉପରେ ନଜର ପକାନ୍ତୁ ।
ଏହା ବି ପଢନ୍ତୁ- Education Budget 2023: ଶିକ୍ଷା କ୍ଷେତ୍ରକୁ ସବୁଠୁ ଅଧିକ ଅର୍ଥ ଆବଣ୍ଟନ, 8% ବ୍ୟୟ ଅଟକଳ ବୃଦ୍ଧି
ଟଙ୍କାଟିଏ କେଉଁ କ୍ଷେତ୍ରରୁ ଆସିବ ?
୧. ଋଣ ଓ ଅନ୍ୟାନ୍ୟ ଦେୟ-୩୪ ପଇସା
୨. କର୍ପୋରେଟ୍ ଟିକସ-୧୫ ପଇସା
୩. ଆୟକର-୧୫ ପଇସା
୪. ସୀମା ଶୁକ୍ଳ-୫ ପଇସା
୫. ଜିଏସଟି -୧୬ ପଇସା
୬. କେନ୍ଦ୍ରୀୟ ଅବକାରୀ ଟିକସ-୭ ପଇସା
୭. ଅଣ ଟିକସ ରାଜସ୍ବ-୫ ପଇସା
୮. ଅଣ ଋଣ ପୁଞ୍ଜି ରସିଦ-୨ ପଇସା
ଟଙ୍କାଟିଏ କେଉଁ କ୍ଷେତ୍ରକୁ ଯିବ ?
୧. ରାଜ୍ୟ ଟିକସ ଓ ଶୁକ୍ଳ ଭାଗ-୧୮ ପଇସା
୨. ସୁଧ ପରିଶୋଧ-୨୦ ପଇସା
୩. କେନ୍ଦ୍ରୀୟ ସ୍କିମ୍-୧୭ ପଇସା
୪. ଅର୍ଥ ଆୟୋଗ ଓ ଅନ୍ୟାନ୍ୟ ବ୍ୟୟ-୯ ପଇସା
୫. କେନ୍ଦ୍ର ପ୍ରୟୋଜିତ ସ୍କିମ୍-୯ ପଇସା
୬. ପ୍ରତିରକ୍ଷା- ୮ ପଇସା
୭. ସବସିଡି-୭ ପଇସା
୮. ପେନସନ-୪ ପଇସା
୯. ଅନ୍ୟାନ୍ୟ ବ୍ୟୟ-୮ ପଇସା
