ବେଙ୍ଗାଲୁରୁ: କର୍ଣ୍ଣାଟକରେ ଗତମାସରୁ ଚାଲି ଆସିଥିବା ହିଜାବ ବିବାଦ ମାମଲାର ଶୁଣାଣି ଶେଷ ହେବାକୁ ଯାଉଛି । ଦୀର୍ଘଦିନ ଧରି କର୍ଣ୍ଣାଟକ ଉଚ୍ଚ ନ୍ୟାୟାଳୟରେ ଲାଗି ରହିଥିବା ଶୁଣାଣିର ଅନ୍ତ ଘଟିବାକୁ ଯାଉଛି । ଆଜି (ମଙ୍ଗଳବାର) ଏହି ମାମଲାର ଚୁଡାନ୍ତ ରାୟ ପ୍ରକାଶ କରିବେ କର୍ଣ୍ଣାଟକ ହାଇକୋର୍ଟ ।
ଶିକ୍ଷାନୁଷ୍ଠାନରୁ ଆରମ୍ଭ ହୋଇଥିବା ଏହି ବହୁଚର୍ଚ୍ଚିତ ହିଜାବ ବିବାଦ କର୍ଣ୍ଣାଟକ ରାଜନୀତିକୁ ମଧ୍ୟ ଉଷ୍ମ କରିଥିଲା । କିଛି ସ୍ଥାନରେ ହିଂସା ମଧ୍ୟ ଦେଖିବାକୁ ମିଳିଥିଲା । କିଛି ଦିନ ଶିକ୍ଷାନୁଷ୍ଠାନ ବନ୍ଦ ହେବା ସହ କିଛି ସ୍ଥାନରେ କର୍ଫ୍ୟୁ ମଧ୍ୟ ଲଗାଯାଇଥିଲା । ଏହି ଘଟଣାରେ ନିର୍ଦ୍ଦେଶ ଜାରି କରିଥିଲ ରାଜ୍ୟ ସରକାର । ଶିକ୍ଷାନୁଷ୍ଠାନରେ କେବଳ ନିର୍ଦ୍ଧାରିତ ସ୍କୁଲ ୟୁନିଫର୍ମ ବ୍ୟତୀତ ଅନ୍ୟ କୌଣସି ଧର୍ମୀୟ ପୋଷାକ ପରିଧାନ କରି ସ୍କୁଲ ଆସିବା ଉପରେ କର୍ଣ୍ଣାଟକ ସରକର ପ୍ରତିବନ୍ଧକ ଲଗାଇଥିଲେ ।
ଯାହାକୁ ବିରୋଧ କରି ସଂଖ୍ୟାଲଘୁ ପକ୍ଷ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲେ । ଏକାଧିକ ଥର ଶୁଣାଣି ହୋଇଥିଲେ ସୁଦ୍ଧା ଅଦ୍ୟାବଧି ଚୂଡାନ୍ତ ରାୟ ଆସିପାରି ନଥିଲା । କେବଳ ଅନ୍ତରୀଣ ରାୟ ଅନୁସାରେ, ଶିକ୍ଷାନୁଷ୍ଠାନରେ ପାଠପଢା ଜାରି ରଖିବାକୁ କର୍ଣ୍ଣାଟକ ସରକରାଙ୍କୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ । ଆଜି ଏହି ବହୁଚର୍ଚ୍ଚିତ ମାମଲାର ଚୂଡାନ୍ତ ରାୟ ଆସିବାକୁ ଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
