ଭୋପାଲ: ବରିଷ୍ଠ କଂଗ୍ରେସ ନେତା ତଥା ମଧ୍ୟପ୍ରଦେଶ ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ ବିରୋଧୀ ଦଳ ନେତା (CLP)ପଦରୁ ଇସ୍ତଫା ଦେଇଛନ୍ତି । କମଲଙ୍କ ଇସ୍ତଫାପତ୍ର ପାର୍ଟି ହାଇକମାଣ୍ଡ ସୋନିଆ ଗାନ୍ଧୀ ମଧ୍ୟ ଇସ୍ତଫା ଗ୍ରହଣ କରିଥିବା ସୂତ୍ରରୁ ସୂଚନା ମିଳିଛି ।
ସୂତ୍ରରୁ ଏହା ମଧ୍ୟ ସୂଚନା ମିଳିଛି ଯେ, ସୋନିଆ ଗାନ୍ଧୀ ଭିଣ୍ଡ ଜିଲ୍ଲାର ଲାହର ବିଧାନସଭା କ୍ଷେତ୍ରରୁ ବିଧାୟକ ଥିବା ଗୋବିନ୍ଦ ସିଂଙ୍କୁ କଂଗ୍ରେସ ବିଧାୟକ ଦଳର ନୂତନ ନେତା ଭାବରେ ନିଯୁକ୍ତ କରିଛନ୍ତି । ଜଣେ ବ୍ୟକ୍ତି ଏକ ପଦ ନୀତିରେ ପ୍ରଦେଶ କଂଗ୍ରେସ କମିଟି (PCC)ର ସଭାପତି ଥିବା କମଲଙ୍କୁ ଇସ୍ତଫା ଦେବା ପାଇଁ ଦଳ ପକ୍ଷରୁ କୁହାଯାଇଥିବା ଚର୍ଚ୍ଚା ହେଉଛି । କମଲ ବର୍ତ୍ତମାନ କେବଳ ପ୍ରଦେଶ କଂଗ୍ରେସ ମୁଖ୍ୟ ଭାବେ ଦାୟିତ୍ବରେ ତୁଲାଇବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
