ନୂଆଦ୍ଲିଲୀ: ଦେଶର 49ତମ ପ୍ରଧାନ ବିଚାରପତି ଭାବେ ନିଯୁକ୍ତ ହେଲେ ଜଷ୍ଟିସ ୟୁୟୁ ଳଲିତ (Uday Umesh Lalit) । ତାଙ୍କ ନାମ ବିଦାୟୀ ପ୍ରଧାନ ବିଚାରପତି ଜଷ୍ଟିସ ଏନ.ଭି ରମଣାଙ୍କ ଦ୍ବାରା ସୁପାରିଶ ହୋଇଥିଲା । ଆଜି ତାଙ୍କୁ ବିଧିବଦ୍ଧ ପ୍ରଧାନ ବିଚାରପତି ଭାବେ ନିଯୁକ୍ତ କରିଛନ୍ତି କେନ୍ଦ୍ର ସରକାର । ଲଳିତଙ୍କ ନିଯୁକ୍ତିକୁ ରାଷ୍ଟ୍ରପତିଙ୍କ ଅନୁମୋଦନ ନେଇ ଏକ ପ୍ରେସବାର୍ତ୍ତା ମାଧ୍ୟମରେ ସୂଚନା ଦେଇଛି କେନ୍ଦ୍ର ଆଇନ ଓ ନ୍ୟାୟ ମନ୍ତ୍ରଣାଳୟ ।
-
Justice Uday Umesh Lalit appointed as 49th Chief Justice of India: Ministry of Law and Justice pic.twitter.com/mp5OZJqMvv
— ANI (@ANI) August 10, 2022 " class="align-text-top noRightClick twitterSection" data="
">Justice Uday Umesh Lalit appointed as 49th Chief Justice of India: Ministry of Law and Justice pic.twitter.com/mp5OZJqMvv
— ANI (@ANI) August 10, 2022Justice Uday Umesh Lalit appointed as 49th Chief Justice of India: Ministry of Law and Justice pic.twitter.com/mp5OZJqMvv
— ANI (@ANI) August 10, 2022
ଜଷ୍ଟିସ ଲଳିତ ଏବେ ସର୍ବୋଚ୍ଚ କୋର୍ଟରେ ଜଣେ ବରିଷ୍ଠ ବିଚାରପତି ଭାବେ କାର୍ଯ୍ୟରତ ଅଛନ୍ତି । ସେ ଆସନ୍ତା 27 ତାରିଖରେ ଔପଚାରିକ ଭାବେ ପ୍ରଧାନ ବିଚାରପତି ଭାବେ ଦାୟିତ୍ବ ଗ୍ରହଣ କରିବେ । କେନ୍ଦ୍ର ଆଇନ ମନ୍ତ୍ରଣାଳୟ ଦ୍ବାରା ଜାରି କରାଯାଇଥିବା ବିଜ୍ଞପ୍ତିରେ କୁହାଯାଇଛି, ଭାରତୀୟ ସମ୍ବିଧାନର କ୍ଲଚ-2 ଅଧୀନ ଧାରା 124 ଅନୁସାରେ ଜଷ୍ଟିସ ଲଳିତଙ୍କ ନିଯୁକ୍ତିକୁ ରାଷ୍ଟ୍ରପତି ଅନୁମୋଦନ ଦେଇଛନ୍ତି । ଅଗଷ୍ଟ 27 ତାରିଖରେ ସେ ବିଦାୟୀ ପ୍ରଧାନ ବିଚାରପତିଙ୍କ ଠାରୁ କାର୍ଯ୍ୟଭାର ଗ୍ରହଣ କରିବେ ।
ଭାରତୀୟ ନ୍ୟାୟିକ ପରମ୍ପରା ଅନୁସାରେ, ଅବସର ନେବା ପୂର୍ବରୁ ପ୍ରଧାନ ବିଚାରପତି ହିଁ ତାଙ୍କର ପରବର୍ତ୍ତୀ ଉତ୍ତାରଧିକାରୀ ଚୟନ କରିବା ଓ କେନ୍ଦ୍ର ସରକାରଙ୍କୁ ନିଯୁକ୍ତି ନେଇ ସୁପାରିଶ କରିବାର ବ୍ୟବସ୍ଥା ରହିଛି । ସେହି କ୍ରମରେ ସେବା ନିବୃତ୍ତ ହେବାକୁ ଯାଉଥିବା ପ୍ରଧାନ ବିଚାରପତି ଏନ.ଭି ରମଣା ଜଷ୍ଟିସ ୟୁ.ୟୁ ଲଳତିଙ୍କ ନାମ ସୁପାରିଶ କରିଥିଲେ । ପରବର୍ତ୍ତୀ ପ୍ରକ୍ରିୟା ଶେଷ ହେବା ପରେ ତାଙ୍କୁ ଆଜି ରାଷ୍ଟ୍ରପତିଙ୍କ ପକ୍ଷରୁ ପ୍ରଧାନ ବିଚାରପତି ଭାବେ ନିଯୁକ୍ତି ମିଳିଛି । ଗଣତାନ୍ତ୍ରିକ ଦେଶ ଭାରତରେ ସମ୍ବିଧାନର ଜାଗ୍ରତ ପ୍ରହରୀ କୁହାଯାଉଥିବା ନ୍ୟାୟପାଳିକାର ସର୍ବୋଚ୍ଚ ପଦ ଗ୍ରହଣ କରିବେ ଜଷ୍ଟିସ ଉଦୟ ଉମେଶ ଲଳିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
