ଥିରୁଅନନ୍ତପୁରମ: ୨୦୦ କୋଟି ଟଙ୍କାର ହେରୋଇନ ନେଇ ଯାଉଥିବା ବେଳେ ଭାରତୀୟ ନୌସେନା ଓ NCB ହାତରେ ଧରା ପଡ଼ିଛି ଏକ ଇରାନୀ ବୋଟ୍ (Iranian boat with heavy heroin )। ଏହ ବୋଟ୍ରେ ଥିବା ଦୁଇଜଣଙ୍କୁ ହେପାଜତକୁ ନେଇ ନୌସେନା । ଏହି ଦୁଇଜଣଙ୍କ ମଧ୍ୟରେ ଜଣେ ପାକିସ୍ତାନର ନାଗରିକ ହୋଇଥିବା ବେଳେ ଜଣେ ଇରାନ୍ର ନାଗରିକ ବୋଲି ଜଣାପଡ଼ିଛି ।
କେରଳ ସମୁଦ୍ରରେ ଭାରତୀୟ ସୀମା ମଧ୍ୟକୁ ଅବୈଧ ଭାବରେ ପ୍ରବେଶ କରିଥିଲା ଏହି ବୋଟ୍ । ବୋଟ୍ ପ୍ରତି ସନ୍ଦେହଜାତ ହେବାରୁ ନୌସେନା ଏହି ବୋଟ୍କୁ ଜବଜାକୁ ନେଇଥିଲା । ଏହାପରେ ବୋଟ୍ରେ ଥିବା ବ୍ୟକ୍ତିବିଶେଷଙ୍କୁ ପରିଚୟ ପ୍ରମାଣପତ୍ର ମଗାଯାଇଥିଲା । ତେବେ ଉଭୟଙ୍କ ପାଖରେ କୌଣସି ପରିଚୟ ପ୍ରମାଣପତ୍ର ନଥିଲା । ଯାଞ୍ଚ ବେଳେ ବୋଟ୍ରୁ ୨୦୦ କୋଟି ଟଙ୍କାର ହେରୋଇନ ଜବତ ହୋଇଥିଲା ।
ଏହାପରେ ବୋଟ୍କୁ କୋଚିକୁ ନେଇଯାଇଥିଲା ନୌସେନା । ସେଠାରେ NCB ହାତରେ ଦୁଇ ଅଭିଯୁକ୍ତଙ୍କୁ ଜିମାରେ ଦେଇଥିଲା । ବର୍ତ୍ତମାନ NCB ଏକ ମାମଲା ରୁଜୁ କରି ଦୁଇ ଅଭିଯୁକ୍ତଙ୍କୁ ପଚରାଉଚରା କରିବା ଆରମ୍ଭ କରିଛି । ସେପଟେ ବୋଟ୍ଟିକୁ କେରଳର ମାଟନଚେରୀକୁ ନେଇଛି ନୌସେନା ।
