ନୂଆଦିଲ୍ଲୀ: ଆଇପିଏସ ପଙ୍କଜ କୁମାର ସିଂ ହେଲେ ସୀମା ସୁରକ୍ଷା ବଳ(ବିଏସଏଫ)ର ମହାନିର୍ଦ୍ଦେଶକ । ୧୯୮୮ ବ୍ୟାଚ ରାଜସ୍ଥାନ କ୍ୟାଡର ଆଇପିଏସ ପଙ୍କଜ ସିଂ ଆସନ୍ତା ୩୧ ତାରିଖରେ ବିଦ୍ଧିବଧ ଭାବେ ଦାୟିତ୍ବ ଗ୍ରହଣ କରିବେ । ସେହିପରି ଇଣ୍ଡୋ-ତିବ୍ବତୀୟ ସୀମା ପୋଲିସ (ଆଇଟିବିପି)ର ନିର୍ଦ୍ଦେଶକ ହେଲେ ସେହି ୧୯୮୮ ବ୍ୟାଚ ଆଇପିଏସ ସଞ୍ଜୟ ଆରୋରା ।
ଏହି ଦୁଇ ସଂସ୍ଥାର ନିର୍ଦ୍ଦେଶକ ଥିଲେ ଆଇପିଏସ ଏସଏସ ଦେଶୱାଲ । ତାଙ୍କ କାର୍ଯ୍ୟକାଳ ସରିବା ପରେ ସୀମା ସୁରକ୍ଷା ବଳର ନିର୍ଦ୍ଦେଶକ ଦାୟିତ୍ବ ନେବେ ଆଇପିଏସ ପଙ୍କଜ କୁମାର ସିଂ । ସଂଯୋଗର କଥା ହେଉଛି ଆଇପିଏସ ପଙ୍କଜ କୁମାର ସିଂ ପିତା ଅବସରପ୍ରାପ୍ତ ଆଇପିଏସ ପ୍ରକାଶ ସିଂ ମଧ୍ୟ ଅତିତରେ ବିଏସଏଫର ନିର୍ଦ୍ଦେଶକ ଥିଲେ ।
ଅନ୍ୟପଟେ ତତ୍କାଳୀନ ଦିଲ୍ଲୀ ପୋଲିସ କମିଶନର ବାଲାଜୀ ଶ୍ରୀବାସ୍ତବଙ୍କୁ ପୋଲିସ ଗବେଷଣା ବିକାଶ ପ୍ରତିଷ୍ଠାନର ମହାନିର୍ଦ୍ଦେଶକ ଭାବେ କେନ୍ଦ୍ର ସରକାର ନୂଆ ନିଯୁକ୍ତି ଦେଇଛନ୍ତି ।
ଆଉ ଏହି ୩ ଜଣ ହେଉଛନ୍ତି ୧୯୮୮ ବ୍ୟାଚର ଆଇପିଏସ ଅଫିସର ।
