ନୂଆଦିଲ୍ଲୀ: ବଡ଼ ଦୁର୍ଘଟଣାରୁ ବର୍ତ୍ତି ଯାଇଛି ଏକ ଇଣ୍ଡିଗୋ ବିମାନ । ଦିଲ୍ଲୀ ଅନ୍ତର୍ଜାତୀୟ ବିମାନ ବନ୍ଦରରୁ ଡେରାଡୁନ ଅଭିମୁଖେ ଉଡ଼ାଣ ଭରିଥିବା ଏକ ଇଣ୍ଡିଗୋ ବିମାନର ଇଞ୍ଜିନରେ ତ୍ରୁଟି ଦେଖାଯିବା ପରେ ଏହା ମଝି ଆକାଶରୁ ଫେରିଛି । ଦିଲ୍ଲୀ ବିମାନ ବନ୍ଦରରେ ଏହା ଜରୁରୀ ଅବତରଣ କରିଥିବା ସୂଚନା ମିଳିଛି । କୌଣସି କ୍ଷୟକ୍ଷତି ନେଇ ସୂଚନା ମଧ୍ୟ ମିଳିନି । ତେବେ ବିମାନର ଇଞ୍ଜିନ ଫେଲ୍ ହେବା ଅଭିଯୋଗକୁ ଏୟାରଲାଇନ୍ସ ସିଧାସଳଖ ସ୍ବୀକାର କରିନାହିଁ । ବିମାନରେ କୌଣସି ଯାନ୍ତ୍ରିକ ତ୍ରୁଟି କାରଣରୁ ଆଲର୍ଟ ସିଗନାଲ ମିଳିବା ପରେ ଏହାକୁ ପୁନର୍ବାର ଦିଲ୍ଲୀରେ ଜରୁରୀ ଅବତରଣ କରାଯାଇଥିବା ଏୟାରଲାଇନ୍ସ କର୍ତ୍ତୃପକ୍ଷ କହିଛନ୍ତି ।
-
IndiGo's Delhi-Dehradun flight returns due to an engine glitch, lands safely
— ANI (@ANI) June 21, 2023 " class="align-text-top noRightClick twitterSection" data="
Details awaited. pic.twitter.com/ffIrmCG0ej
">IndiGo's Delhi-Dehradun flight returns due to an engine glitch, lands safely
— ANI (@ANI) June 21, 2023
Details awaited. pic.twitter.com/ffIrmCG0ejIndiGo's Delhi-Dehradun flight returns due to an engine glitch, lands safely
— ANI (@ANI) June 21, 2023
Details awaited. pic.twitter.com/ffIrmCG0ej
ଏୟାର ଲାଇନ୍ସ ପକ୍ଷରୁ ସୂଚନା ଜାରି କରାଯାଇ କୁହାଯାଇଛି, ବିମାନ ସଂଖ୍ୟା 6E-2134 ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରୁ ଉତ୍ତରାଖଣ୍ଡ ରାଜଧାନୀ ଡେରାଡୁନ ଅଭିମୁଖେ ଉଡ଼ାଣ ଭରିଥିଲା । ହେଲେ ଏଥିରେ କିଛି ଯାନ୍ତ୍ରିକ ତ୍ରୁଟି ଦେଖାଯିବା ପରେ ପାଇଲଟଙ୍କୁ ଆଲର୍ଟ ସିଗନାଲ୍ ମିଳିଥିଲା । ଏନେଇ ଦିଲ୍ଲୀ ବିମାନ ବନ୍ଦର ଏୟାର ଟ୍ରାଫିକ ନିୟନ୍ତ୍ରଣ କକ୍ଷ ସହ ଯୋଗାଯୋଗ କରିଥିଲେ ବିମାନର ପାଇଲଟ ।
ଦିଲ୍ଲୀ ଏଟିସି ମଧ୍ୟ ଜରୁରୀ ଅବତରଣ କରିବାର ଅନୁମତି ଦେବା ସହ ଆବଶ୍ୟକ ବ୍ୟବସ୍ଥା ଗ୍ରହଣ କରିଥିଲା । ବିମାନଟି ସୁରକ୍ଷିତ ଅବତରଣ କରିଛି । ବିମାନର ବୈଷୟିକ ଯାଞ୍ଚ ଆରମ୍ଭ ହୋଇଛି । କେହି ଯାତ୍ରୀ କିମ୍ବା କ୍ର୍ୟୁ ସଦସ୍ୟଙ୍କର କୌଣସି ସମସ୍ୟା ମଧ୍ୟ ହୋଇନାହିଁ । ଅନ୍ୟପଟେ ବିମାନ କମ୍ପାନୀ ଏପରି କାରଣ ଦର୍ଶାଇଥିବା ବେଳେ ବେସାମରିକ ବିମାନ ଉଡାଣ ନିର୍ଦ୍ଦେଶାଳୟ (DGCA) ପକ୍ଷରୁ ଏପର୍ଯ୍ୟନ୍ତ କୌଣସି ସୂଚନା ମିଳିପାରିନାହିଁ ।
ତେବେ ଉଡାଣ ସମୟରେ ଏକାଧିକ କାରଣ ପାଇଁ ବିମାନ ଜରୁରୀ ଅବତରଣ କରିଥାଏ । କେତେବେଳେ ପ୍ରତିକୂଳ ପାଗ, ବାର୍ଡହିଟ, ଯାନ୍ତ୍ରିକ ତ୍ରୁଟି ପାଇଁ ବିମାନ ଜରୁରୀ ଅବତରଣ କରିଥାଏ । ବିମାନ ଉଡ଼ୁଥିବାର ସ୍ଥାନର ନିକଟବର୍ତ୍ତୀ ବିମାନ ବନ୍ଦରର ଏୟାର ଟ୍ରାଫିକ କଣ୍ଟ୍ରୋଲ ସହ ଯୋଗାଯୋଗ କରାଯାଏ । ଜରୁରୀ ଅବତରଣ ଅନୁମତି ମିଳିବା ପରେ ବିମାଟି ଅବତରଣ କରିଥାଏ । ଯାନ୍ତ୍ରିକ ତ୍ରୁଟି କାରଣରୁ ବିମାନ ଅବତରଣ କରିବାର ଏକାଧିକ ନଜିର ରହିଛି । ସେହିପରି ଶୀତଦିନେ ମାତ୍ରାଧିକ କୁହୁଡ଼ି କାରଣରୁ ଦୃଶ୍ଯମାନ୍ୟତା ହ୍ରାସ ପାଇଲେ ମଧ୍ୟ ବିମାନ ଅନ୍ୟତ୍ର ଡାଇଭର୍ଟ ହୋଇ ଜରୁରୀ ଅବତରଣ କରିଥାଏ । ଶୀତଦିନେ ଉତ୍ତର ଭାରତୀୟ ରାଜ୍ୟରେ ଏକାଧିକ ବିମାନ ବନ୍ଦରରେ ଉଡ଼ାଣ ଅପରେସନ ପ୍ରଭାବିତ ହୋଇଥାଏ । କେତେକାଂଶରେ ଘଣ୍ଟାଘଣ୍ଟା ଧରି ଅଚଳାବସ୍ଥା ମଧ୍ୟ ସୃଷ୍ଟି ହୋଇଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
