ନୂଆଦିଲ୍ଲୀ: ପଳାତକ ହୀରା ବ୍ୟବସାୟୀ, ମେହୁଲ ଚୋକସିଙ୍କୁ ଡୋମିନିକାରୁ ପ୍ରତ୍ୟାବର୍ତ୍ତନ କରାଇବା ପାଇଁ ପଠାଯାଇଥିବା ବିଭିନ୍ନ ଭାରତୀୟ ଏଜେନ୍ସି ଅଧିକାରୀ ଦଳ କତାର ବିମାନବନ୍ଦରରୁ ଭାରତ ଫେରୁଛନ୍ତି । ଚୋକସିଙ୍କ ଆଇନଜୀବୀ ଡୋମିନିକା ହାଇକୋର୍ଟରେ ଜାମିନ ଆବେଦନ ଦାଖଲ କରିଥିଲେ ।
ଗୁରୁବାର ଚୋକସିଙ୍କ ଯାଚିକାର ଶୁଣାଣି ସ୍ଥଗିତ କରିଦେଇଥିଲେ ଡୋମିନିକା ହାଇକୋର୍ଟ । ଏହାପରେ ବିମାନ 3 ଜୁନ ସ୍ଥାନୀୟ ସମୟ ଅନୁସାରେ ରାତି 8ଟା 9ରେ ଡୋମିନିକା ମେଲୱିଲେ ହଲ ଏୟାରପୋର୍ଟରୁ ଉଡାଣ ଭରିଛି ।
ସାର୍ବଜନିକ ରୂପେ ଉପଲବ୍ଧ ଉଡାଣ ମାର୍ଗର ସୂଚନା ଅନୁଯାୟୀ, ବିମାନ ମେଡ୍ରିଡ ଆଡକୁ ଉଡାଣ ଭରିଛି । ବିଭିନ୍ନ ଯାଞ୍ଚ ଏଜେନ୍ସି ଦଳର ଅଧିକାରୀ ମଧ୍ୟ ଏଠାରୁ ପ୍ରତ୍ୟାବର୍ତ୍ତନ କରୁଛନ୍ତି ।
ସିବିଆଇର ଉପ ମହାନିରୀକ୍ଷକ ଶରଦ ରାଉତଙ୍କ ନେତୃତ୍ବାଧିନ ଅଧିକାରୀ ଟିମ 13 ହଜାର 500 କୋଟି ଟଙ୍କାର ପଞ୍ଜାବ ନ୍ୟାସନାଲ ବ୍ୟାଙ୍କ ଘୋଟାଲାରେ ଅଭିଯୁକ୍ତ ପଳାତକ ମେହୁଲ ଚୋକସିଙ୍କୁ ଭାରତ ଆଣିବା ପାଇଁ ପାଖାପାଖି 7 ଦିନ ଡୋମିନିକାରେ ରହିଥିଲେ ।
ଚୋକସିଙ୍କ ଆଇନଜୀବୀ ଡୋମିନିକା ଉଚ୍ଚ ନ୍ୟାୟାଳୟରେ ଜାମିନ ଆବେଦନ ଦାଖଲ କରିଥିଲେ । ଏହା ଉପରେ ଶୁଣାଣି ସ୍ଥଗିତ କରିଦିଆଯାଇଛି । ଗିରଫ ହୋଇଥିବା କୌଣସି ବ୍ୟକ୍ତି ତଥା ଅବୈଧ ଭାବରେ ଜେଲରେ ବନ୍ଦୀ ବ୍ୟକ୍ତିକୁ ଅଦାଲତରେ ହାଜର କରିବାର ଅନୁରୋଧ କରିବା ପାଇଁ ଯାଚିକା ଦାଖଲ କରାଯାଇଥାଏ ।
ସ୍ଥାନୀୟ ମିଡିଆ ଖବର ଅନୁଯାୟୀ, ମାମଲା ଉପରେ ପରବର୍ତ୍ତୀ ଶୁଣାଣି ପାଖାପାଖି ଏକ ମାସ ପରେ ହୋଇପାରେ । ଅର୍ଥାତ ଏହି ସମୟରେ ଚୋକସି ଡୋମିନିକାରେ ହିଁ ରହିବେ ।
