ନୂଆଦିଲ୍ଲୀ: ୟୁକ୍ରେନ ଉପରେ ଋଷର ଆକ୍ରମଣ ମଧ୍ୟରେ ରୋମାନିଆ ଏବଂ ପୋଲାଣ୍ଡ ସୀମାରେ ଫସିଥିବା ଭାରତୀୟ ଛାତ୍ରଛାତ୍ରୀ ଅନେକ ସମସ୍ୟାର ସମ୍ମୁଖୀନ ହୋଇଛନ୍ତି । ଏପରିକି ଦୁଇ ସୀମାରେ ପୋଷ୍ଟ ସୈନିକମାନଙ୍କ ଦ୍ବାରା ଅନେକ ଛାତ୍ରୀ ଆକ୍ରମଣର ଶିକାର ହୋଇଥିବା ସେମାନେ ଅଭିଯୋଗ କରିଛନ୍ତି ।
ଖାର୍କିଭର ସର୍ତ୍ତରେ ଅଟକି ରହିଥିବା ଜଣେ ଭାରତୀୟ ଛାତ୍ର ନାମ ଗୋପନ ରଖି ଇଟିଭି ଭାରତ ସହ କଥାବାର୍ତ୍ତା କରି କହିଛନ୍ତି ଯେ ଦିନକୁ ଦିନ ବଙ୍କରରେ ଆମର ଅବସ୍ଥା ବିଗିଡି ଯାଉଛି। "ଆମେ ଭିଡିଓ ଦେଖୁଛୁ ଏବଂ ୟୁକ୍ରେନରେ ଅଟକି ରହିଥିବା ଭାରତୀୟ ଛାତ୍ରମାନଙ୍କ ଦ୍ବାରା ସୂଚନା ଦିଆଯାଉଛି ଯେ ସୁରକ୍ଷିତ ସ୍ଥାନାନ୍ତର ପାଇଁ କିଭ୍ ରୁ ପଶ୍ଚିମ ସୀମାକୁ ନିଆଯାଉଥିବା ସେହି ଛାତ୍ରମାନେ ଋଷର ସେନା ତଥା ପୋଲାଣ୍ଡ ଏବଂ ରୋମାନିଆର ସୀମାରେ ବହୁତ ଅପଦସ୍ତର ସମ୍ମୁଖୀନ ହୋଇଥିଲେ।"
ସେ ଆହୁରି ମଧ୍ୟ କହିଛନ୍ତି ଯେ "ୟୁକ୍ରେନ ସୈନ୍ୟବାହିନୀ ଭାରତୀୟ ଛାତ୍ରମାନଙ୍କୁ ପାର ହେବାକୁ ଦେଇନଥିଲେ ଏବଂ ଋଷର ସେନା ଗୁଳି ଚଳାଇଥିଲେ। ଏହି ଯୁଦ୍ଧ ମଧ୍ୟରେ ଛାତ୍ରୀମାନଙ୍କୁ ଋଷ ସୈନ୍ୟମାନେ ନେଇ ଯାଇଥିଲେ ଏବଂ ପୋଲାଣ୍ଡ ସୀମାରେ ମଧ୍ୟ ସେଠାରେ ଥିବା ସୁରକ୍ଷା ବାହିନୀ ଗୁଳି ଚଳାଇଥିଲେ। ସେଠାରେ ଛାତ୍ରୀମାନଙ୍କୁ ନିର୍ଯାତନା ଦିଆଯାଉଛି ଏବଂ ଏଠାରେ ଅତ୍ୟନ୍ତ ଖରାପ ପରିସ୍ଥିତି ସୃଷ୍ଟି ହୋଇଛି। ଏସବୁ ମଧ୍ୟରେ ଭାରତୀୟ ଦୂତାବାସ ଏହି ଛାତ୍ରଛାତ୍ରୀମାନଙ୍କୁ ଦୁଃଖ ଭୋଗିବାକୁ ଛାଡି ଦେଇଛି ଏବଂ ଆମ ଡାକରାକୁ ମଧ୍ୟ ଆସୁନାହିଁ।" ବୋଲି ଅଭିଯୋଗ କରିଛନ୍ତି ।
ଏହି ସମସ୍ୟାର ମୁକାବିଲା ପାଇଁ ଏବଂ ୟୁକ୍ରେନରେ ଫସି ରହିଥିବା ସମସ୍ତ ଭାରତୀୟ ନାଗରିକଙ୍କୁ ଫେରାଇ ଆଣିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୋଟିଏ ପରେ ଗୋଟିଏ ଉଚ୍ଚସ୍ତରୀୟ ବୈଠକର ଅଧ୍ୟକ୍ଷତା କରିଥିଲେ ଏବଂ ସମସ୍ତ ଛାତ୍ର ଏବଂ ନାଗରିକଙ୍କୁ ସୁରକ୍ଷିତ ଉଦ୍ଧାର ପାଇଁ ଅପରେସନ ଗଙ୍ଗା ଆରମ୍ଭ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
