ଅସ୍ଥାୟୀ ଭାବେ ପୋଲାଣ୍ଡକୁ ସ୍ଥାନାନ୍ତରିତ ହେଲା ୟୁକ୍ରେନରେ ଅବସ୍ଥାପିତ ଭାରତୀୟ ଦୂତାବାସ

କିଭ୍ରୁ‌ ପୋଲାଣ୍ଡକୁ ଅସ୍ଥାୟୀ ଭାବେ ସ୍ଥାନାନ୍ତରିତ ହେଲା ଭାରତୀୟ ଦୂତାବାସ । ସୁରକ୍ଷା ଦୃଷ୍ଟିରୁ ଏପରି ନିଷ୍ପତ୍ତି ନିଆଯାଇଥିବା ବୈଦେଶିକ ମନ୍ତ୍ରଣାଳୟ ପକ୍ଷରୁ ସୂଚନା । ଅଧିକ ପଢନ୍ତୁ

ନୂଆଦିଲ୍ଲୀ: ୟୁକ୍ରେନରେ ଲାଗି ରହିଥିବା ସଂଙ୍କଟ ମଧ୍ୟରେ ରାଜଧାନୀ କିଭରେ ଥିବା ଭାରତୀୟ ଦୂତାବାସକୁ ଅସ୍ଥାୟୀ ଭାବେ ପୋଲାଣ୍ଡକୁ ସ୍ଥାନାନ୍ତରିତ କରାଯାଇଛି । ପୋଲାଣ୍ଡରୁ ଦୂତାବାସ ପୂର୍ବପରି ସ୍ବାଭାବିକ ଭାବେ କାର୍ଯ୍ୟ କରିବା ନେଇ ବୈଦେଶିକ ମନ୍ତ୍ରଣାଳୟ ପକ୍ଷରୁ ସ୍ପଷ୍ଟ କରାଯାଇଛି । ବର୍ତ୍ତମାନ ୟୁକ୍ରେନ ସଙ୍କଟ ଉପରେ ଦୂତାବାସ ଜରିଆରେ ଭାରତ ପକ୍ଷରୁ ନଜର ରଖାଯାଇଥିବା ମଧ୍ୟ ମନ୍ତ୍ରଣାଳୟ କହିଛି ।

• In view of the rapidly deteriorating security situation in Ukraine, including attacks in the western parts of the country, it has been decided that the Indian Embassy in Ukraine will be temporarily relocated in Poland.
  
  Press Release➡️ https://t.co/tVkxNSDJmN

  — Arindam Bagchi (@MEAIndia) March 13, 2022 " class="align-text-top noRightClick twitterSection" data="

  In view of the rapidly deteriorating security situation in Ukraine, including attacks in the western parts of the country, it has been decided that the Indian Embassy in Ukraine will be temporarily relocated in Poland.
  
  Press Release➡️ https://t.co/tVkxNSDJmN

  — Arindam Bagchi (@MEAIndia) March 13, 2022

  ">

  In view of the rapidly deteriorating security situation in Ukraine, including attacks in the western parts of the country, it has been decided that the Indian Embassy in Ukraine will be temporarily relocated in Poland.
  
  Press Release➡️ https://t.co/tVkxNSDJmN

  — Arindam Bagchi (@MEAIndia) March 13, 2022

ଜାରି ବିବୃତ୍ତିରେ ମନ୍ତ୍ରଣାଳୟ କହିଛି ବର୍ତ୍ତମାନ ୟୁକ୍ରେନର ପଶ୍ଚିମ ପ୍ରାନ୍ତରେ ଥିବା ସହରଗୁଡିକ ଉପରେ ମଧ୍ୟ ଆକ୍ରମଣ ଆରମ୍ଭ ହୋଇଛି । ତେଣୁ କାର୍ଯ୍ୟରତ ଭାରତୀୟ କୂଟନୈତିକ ଅଧିକାରୀ ଓ କର୍ମଚାରୀଙ୍କ ସୁରକ୍ଷା ପାଇଁ ଅସ୍ଥାୟୀ ଭାବେ ଦୂତାବାସ କାର୍ଯ୍ୟାଳୟର ସ୍ଥାନାନ୍ତଣ କରିବା ଆବଶ୍ୟକ ହୋଇପଡିଥିଲା । ପୋଲାଣ୍ଡରୁ ଦୂତାବାସ ପୂର୍ବପରି ସ୍ବାଭାବିକ ଭାବେ ସଞ୍ଚାଳିତ ହେବ ।

ଫେବୃଆରୀ 24ରେ ୟୁକ୍ରେନ ବିରୋଧରେ ସ୍ବତନ୍ତ୍ର ସାମରିକ ଅଭିଯାନ ଆରମ୍ଭ କରିଥିଲା ଋଷ । ସେବେଠାରୁ ଦୁଇ ଦେଶ ମଧ୍ୟରେ ଯୁଦ୍ଧ ଗମ୍ଭୀର ସ୍ଥିତିରେ ପହଞ୍ଚିଛି । ଗୋଟିଏ ପରେ ଗୋଟିଏ ୟୁକ୍ରେନୀୟ ସହର କବ୍ଜା କରିବାରେ ଲାଗିଛି ଋଷ ସେନା । ଏକାଧିକ ସ୍ଥାନରେ ଆକ୍ରମଣ ଫଳରେ ବିଭିନ୍ନ ଦେଶ ମଧ୍ୟ ସେମାନଙ୍କ ଦୂତାବାସ ବନ୍ଦ କିମ୍ବା ଅନ୍ୟତ୍ର ସ୍ଥାନାନ୍ତରଣ କରିସାରିଲେଣି ।

ଅନ୍ୟପଟେ ୟୁକ୍ରେନରେ ଫସିଥିବା ପ୍ରାୟ 20 ହଜାର ଭାରତୀୟ ଛାତ୍ରଙ୍କୁ ଉଦ୍ଧାର କରିବା ପାଇଁ ଆରମ୍ଭ ହୋଇଥିବା ‘ଅପରେସନ ଗଙ୍ଗା’ ସଫଳତାର ସହ ଶେଷ କରିଛନ୍ତି ଭାରତ ସରକାର । ଏଥିରେ ଉଭୟ ଋଷ ଓ ୟୁକ୍ରେନ କର୍ତ୍ତୃପକ୍ଷଙ୍କ ସହ ଯୋଗୋଯୋଗ ରଖି ବିଦେଶ ମନ୍ତ୍ରଣାଳୟ ସଫଳତାର ସହ ଏହି ଉଦ୍ଧାର ଅଭିଯାନକୁ ଶେଷ କରିବାରେ ସଫଳ ହୋଇଛି । ଏବେ ସୁରକ୍ଷା ଦୃଷ୍ଟିରୁ ଭାରତୀୟ ଦୂତାବାସକୁ ପୋଲାଣ୍ଡ ସ୍ଥାନାନ୍ତରିତ କରାଯାଉ ଥିବାବେଳେ ଦୂତାବାସ ପୂର୍ବପରି କାର୍ଯ୍ୟ ଜାରି ରଖିବ ।

ବ୍ୟୁରୋ ରିପୋର୍ଟ, ଇଟିଭି ଭାରତ