ଶ୍ରୀନଗର: ପୁଣି ମାନବିକତା ଦେଖାଇଛି ଭାରତୀୟ ସେନା । କାଶ୍ମୀରର କୁପଓ୍ବାରା ସେକ୍ଟରର କରଲାପରୁରେ ଜଣେ ଗର୍ଭବତୀ ମହିଳାଙ୍କୁ ପ୍ରାୟ 2 କିମି କାନ୍ଧରେ ବୋହି ହସ୍ପିଟାଲରେ ଭର୍ତ୍ତି କରିଛନ୍ତି ସେନାର ଯବାନ । ଉକ୍ତ ଅଞ୍ଚଳରେ ପ୍ରବଳ ସୁଷାରପାତ ଫଳରେ ଯୋଗାଯୋଗ ବିଛିନ୍ନ ହୋଇଥିଲା । ଫଳରେ ମହିଳାଙ୍କ ଘର ପାଖକୁ ଆମ୍ବୁଲାନ୍ସ ପହଞ୍ଚି ପାରିନଥିଲା ।
ବରଫର ବହଳତା ଏତେ ଥିଲା ଯେ ଚାଲିବା ବି ସମ୍ଭବ ହୋଇ ପାରୁନଥିଲା । ଖବର ପାଇବା ପରେ ସେଠାରେ ମୁତୟନ ଥିବା ଭାରତୀୟ ସେନା ଯବାନ ମାନେ ଉକ୍ତ ମହିଳାଙ୍କୁ କାନ୍ଧରେ ପ୍ରାୟ 2 କିମି ବୋହିବା ପରେ ମୁଖ୍ୟରାସ୍ତାରେ ପହଞ୍ଚାଇଥିଲେ । ସେଠାରୁ ତାଙ୍କୁ ଆମ୍ବୁଲାନ୍ସ ଯୋଗେ ହସ୍ପିଚାଲରେ ଭର୍ତ୍ତି କରାଯାଇଥିଲା । ସେଠାରେ ମହିଳା ଜଣଙ୍କ ଏକ ଶିଶୁ ପୁତ୍ରକୁ ଜନ୍ମ ଦେଇଥିବା ଜଣା ପଡିଛି । ଉଭୟ ମହିଳା ଓ ତାଙ୍କ ନବଜାତ ଶିଶୁ ସୁସ୍ଥ ଥିବା ଜଣା ପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
