ଟୋକିଓ: ଭାରତୀୟ ମହିଳା ହକି ଟିମର ବାଜିମାତି । ଭାରତୀୟ ପୁରୁଷ ହକି ଟିମ ପରେ ଚଳିତ ଅଲମ୍ପିକ୍ରେ ହକି ଟୁର୍ଣ୍ଣାମେଣ୍ଟର ସେମିଫାଇନାଲରେ ପ୍ରବେଶ କରିଛି ମହିଳା ଟିମ । କ୍ବାର୍ଟର-ଫାଇନାଲ ମୁକାବିଲାରେ ଅଷ୍ଟ୍ରେଲିଆକୁ ୧-୦ରେ ହରାଇଛି ରାନୀ ରାମପାଲଙ୍କ ଟିମ ।
ମ୍ୟାଚର ଦ୍ବିତୀୟ ୧୫ ମିନିଟରେ ପେନାଲିଟ କର୍ଣ୍ଣର ସୁଯୋଗକୁ ଗୁରଜିତ କୌର ଦମଦାର ଗୋଲ୍ରେ ପରିଣତ କରିବା ପରେ ଭାରତ ଆଗୁଆ ରହିଥିଲା । ପରେ ଭାରତୀୟ ଟିମ ପ୍ରତିପକ୍ଷ କଙ୍ଗାରୁ ଖେଳାଳିଙ୍କୁ ପରବର୍ତ୍ତୀ ଦୁଇଟି କ୍ବାର୍ଟରରେ ଗୋଲ୍ କରିବାକୁ କୌଣସି ସୁଯୋଗ ଦେଇନଥିଲେ ।
ସବିତା ପୁନିଆଙ୍କ ନେତୃତ୍ବରେ ଟିମର ଡିଫେନ୍ସ ଦମଦାର ରହିଥିଲା ଫଳରେ ତୃତୀୟ ଓ ଚତୁର୍ଥ କ୍ବାର୍ଟର ଗୋଲ୍ଶୂନ୍ୟ ରହିଥିଲା । ଫଳରେ ଭାରତ ସେମିଫାଇନାଲରେ ସ୍ଥାନ ପକ୍କା କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
