ନୂଆଦିଲ୍ଲୀ: ବିଶ୍ବବ୍ୟାପୀ ଓମିକ୍ରନ ଭୟାବହତା ଲାଗି ରହିଛି । ଭାରତରୁ ମଧ୍ୟ କିଛି ଓମିକ୍ରନ ମାମଲା ଚିହ୍ନଟ ହୋଇସାରିଲାଣି । ଏହାସତ୍ତ୍ବେ ମଧ୍ୟ ଦେଶରେ ତଳମୁହାଁ ରହିଛି ସଂକ୍ରମଣ । ଗତ ୨୪ ଘଣ୍ଟା ମଧ୍ୟରେ ଭାରତରୁ ମୋଟ ୮,୫୦୩ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ହେଲେ କୋରୋନା ଜନିତ ମୃତ୍ୟୁରେ ବ୍ରେକ୍ ଲାଗୁନି । ଗୋଟିଏ ଦିନରେ ପୁଣି ୬୨୪ ଜଣଙ୍କ ମୁଣ୍ଡ ନେଇଛି ମହାମାରୀ । ସେହିପରି ୭, ୬୭୮ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି ।
ବର୍ତ୍ତମାନ ସୁଦ୍ଧା ଦେଶରେ ମୋଟ ୯୪,୯୪୩ଟି ସକ୍ରିୟ ମାମଲା ରହିଛି । ନୂଆ ସୁସ୍ଥଙ୍କୁ ମିଶାଇ ମୋଟ ସୁସ୍ଥସଂଖ୍ୟା ୩,୪୧,୦୫,୦୬୬କୁ ବୃଦ୍ଧି ପାଇଛି । କୋରୋନା ଆରମ୍ଭରୁ ଗତକାଲି ସୁଦ୍ଧା ୬୫,୩୨,୪୩,୫୩୯ଟି ସାମ୍ପୂଲ ଟେଷ୍ଟ କରାଯାଇଛି । ଗତକାଲି କେବଳ ୧୨,୯୩,୪୧୨ଟି ଟେଷ୍ଟ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
