ନୂଆଦିଲ୍ଲୀ: ଦେଶରେ ପୁଣି ଦ୍ରୁତ ଗତିରେ ଉପରମୁହାଁ ହେବାରେ ଲାଗିଛି କୋଭିଡ ସଂକ୍ରମଣ(covid infections)। କିଛି ଦିନର ବ୍ୟବଧାନ ପରେ ଆଜି 10 ହଜାର ଅତିକ୍ରମ କରିଛି କୋରୋନା ଦୈନିକ ସଂକ୍ରମଣ(daily india covid report ) । ଗତ ୨୪ ଘଣ୍ଟା ମଧ୍ୟରେ ଦେଶରେ 13 ହଜାର 154 ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି, ଯାହାକୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା 3 କୋଟି 48 ଲକ୍ଷ 22 ହଜାର 40 ରେ ପହଞ୍ଚିଛି। ସେହିପରି ଦିନକରେ ୭,୪୮୬ ଜଣ ସୁସ୍ଥ(recovery) ହୋଇଥିବାବେଳେ ଦେଶରେ ସୁସ୍ଥହାର ପୁଣି ୯୮.୩୮%କୁ ଖସିଆସିଛି ।
ନୂଆ ସଂକ୍ରମିତଙ୍କୁ ମିଶାଇ ବର୍ତ୍ତମାନ ଦେଶରେ ମୋଟ 82 ହଜାର 402 ଟି ସକ୍ରିୟ(active cases) ମାମଲା ରହିଛି । ଗତ 24 ଘଣ୍ଟାରେ 268 ଜଣଙ୍କ ମୃତ୍ୟୁ ହୋଇ ମୋଟ ମୃତ୍ୟୁସଂଖ୍ୟା(death toll) 4 ଲକ୍ଷ 80 ହଜାର 860କୁ ବୃଦ୍ଧି ପାଇଛି । ସେହିପରି ଦେଶରେ ଏଯାବତ 3 କୋଟି 42 ଲକ୍ଷ 58 ହଜାର 778 ଜଣ ସୁସ୍ଥ ହୋଇଛନ୍ତି ।
ସେପଟେ ଦେଶରେ ଓମିକ୍ରନ ସଂକ୍ରମଣ(omicron) ମାଡି ମାଡି ଚାଲିଥିବାବେଳେ ଏବେ ସୁଦ୍ଧା ଏହି ନୂଆ ଭାରିଆଣ୍ଟ ଆକ୍ରାନ୍ତଙ୍କ ସଂଖ୍ୟା 961ରେ ପହଞ୍ଚିଛି । ସେମାନଙ୍କ ମଧ୍ୟରୁ କେବଳ ଦିଲ୍ଲୀରେ 263 ଜଣ ଚିହ୍ନଟ ହୋଇଥିବାବେଳେ 252 ଜଣ ମହାରାଷ୍ଟ୍ରରୁ ଚିହ୍ନଟ ହୋଇଛନ୍ତି । ଓମିକ୍ରନ ଭୟାବହତା ଏବଂ ତୃତୀୟ ଲହର ସମ୍ଭାବନାକୁ ଦୃଷ୍ଟିରେ ରଖି ଭାରତରେ ଟୀକାକରଣ ମଧ୍ୟ ଦ୍ରୁତଗତିରେ ଜାରି ରହିଛି । ଏବେ ସୁଦ୍ଧା ଲୋକଙ୍କୁ ମୋଟ 143 କୋଟି 83 ଲକ୍ଷ 22 ହଜାର 742 ଡୋଜ ଦିଆସରିଛି ।
@ANI
