ନୂଆଦିଲ୍ଲୀ: ଦେଶରେ ଧିରେ ଧିରେ କମିବାରେ ଲାଗିଛି କୋରୋନା ସଂକ୍ରମଣ । ଗତ ୨୪ ଘଣ୍ଟା ମଧ୍ୟରେ ଦେଶରେ ୧ ଲକ୍ଷ ୧୪ ହଜାର 460 କୋରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୨୬୭୭ ଜଣଙ୍କ ମୃତ୍ୟୁ ହୋଇଛି । ଯାହାକୁ ବିଚାର କଲେ ସଂକ୍ରମଣ ସହ ତାଳ ଦେଇ ମୃତ୍ୟୁସଂଖ୍ୟା ମଧ୍ୟ ହ୍ରାସ ପାଉଛି । ତେବେ ଏହି ନୂଆ ସଂକ୍ରମଣକୁ ମିଶାଇ ଦେଶରେ ମୋଟ ସଂକ୍ରମଣ 2 କୋଟି 88 ଲକ୍ଷ 9 ହଜାର 339କୁ ବୃଦ୍ଧି ପାଇଛି । ସେପଟେ ମୋଟ ମୃତ୍ୟୁସଂଖ୍ୟା ମଧ୍ୟ 3 ଲକ୍ଷ 46 ହଜାର 759 ଛୁଇଁଛି । ଏନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।
- " class="align-text-top noRightClick twitterSection" data="">
ସେହିପରି ଗତ 24 ଘଣ୍ଟା ମଧ୍ୟରେ 1 ଲକ୍ଷ 89 ହଜାର 232 ଜଣ ସଂକ୍ରମିତ ସୁସ୍ଥ ହୋଇ ଘରକୁ ଫେରିଛନ୍ତି । ଯାହାକୁ ମିଶାଇ ମୋଟ ସୁସ୍ଥଙ୍କ ସଂଖ୍ୟା 2 କୋଟି 69 ଲକ୍ଷ 84 ହଜାର 781ରେ ପହଞ୍ଚିଛି । ଫଳରେ ଦେଶରେ ଆରୋଗ୍ୟ ହାର ମଧ୍ୟ ବୃଦ୍ଧି ପାଉଥିବା ଦେଖାଯାଉଛି । ତେବେ ବର୍ତ୍ତମାନ ସୁଦ୍ଧା 14 ଲକ୍ଷ 77 ହଜାର 799 ଟି ସକ୍ରିୟ ମାମଲା ରହିଛି । ଏଯାବତ୍ 23 କୋଟି 13 ଲକ୍ଷ 22 ହଜାର 417ଟି ଟୀକାକରଣ ହୋଇସାରିଛି । ସଂକ୍ରମଣ ଚେନ୍ ଭାଙ୍ଗିବାକୁ ରାଜ୍ୟ ସରକାରମାନଙ୍କ ଲକଡାଉନ ସଟଡାଉନ କଟକଣା ଫଳପ୍ରଦ ସାବ୍ୟସ୍ତ ହୋଇଥିବା ଜଣାପଡ଼ିଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
