G20 Summit: ମୋଦି-ଶେଖ ହାସିନାଙ୍କ ମଧ୍ୟରେ ଆଲୋଚନା, ଦୁଇ ଦେଶ ମଧ୍ୟରେ 3 ଚୁକ୍ତି ସ୍ବାକ୍ଷର

ଶେଖ ହାସିନା ଓ ନରେନ୍ଦ୍ର ମୋଦିଙ୍କ ମଧ୍ୟରେ ଆଲୋଚନା । ଭାରତ ଓ ବାଂଲାଦେଶ ମଧ୍ୟରେ ତିନୋଟି ବୁଝାମଣାପତ୍ର ସ୍ୱାକ୍ଷର । ଅଧିକ ପଢନ୍ତୁ

ନୂଆଦିଲ୍ଲୀ: ଆଜିଠୁ ଦିଲ୍ଲୀର ଭାରତ ମଣ୍ଡପରେ ଆରମ୍ଭ ହେବ ଜି 20 ମହାକୁମ୍ଭ । ଭାରତ ଅଧ୍ୟକ୍ଷତାରେ ଏହି ବୈଠକ ଆରମ୍ଭ ହେବାକୁ ଥିବା ବେଳେ ଶୁକ୍ରବାର ବିଶ୍ବନେତା ମାନେ ଭାରତରେ ପହଞ୍ଚିଛନ୍ତି । ଦିଲ୍ଲୀରେ ପହଞ୍ଚିବା ପରେ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହାସିନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବାସଭାବନରେ ଭେଟିଥିଲେ । ଉଭୟ ନେତାଙ୍କ ମଧ୍ୟରେ ଦ୍ବିପାକ୍ଷିକ ଆଲୋଚନା ହୋଇଥିଲା । ଆଲୋଚନା ସଫଳ ହୋଇଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ବିଟ କରି ସୂଚନା ଦେଇଛନ୍ତି ।

• Had productive deliberations with PM Sheikh Hasina. The progress in India-Bangladesh relations in the last 9 years has been very gladdening. Our talks covered areas like connectivity, commercial linkage and more. pic.twitter.com/IIuAK0GkoQ

  — Narendra Modi (@narendramodi) September 8, 2023 " class="align-text-top noRightClick twitterSection" data="

  Had productive deliberations with PM Sheikh Hasina. The progress in India-Bangladesh relations in the last 9 years has been very gladdening. Our talks covered areas like connectivity, commercial linkage and more. pic.twitter.com/IIuAK0GkoQ

  — Narendra Modi (@narendramodi) September 8, 2023

  ">

  Had productive deliberations with PM Sheikh Hasina. The progress in India-Bangladesh relations in the last 9 years has been very gladdening. Our talks covered areas like connectivity, commercial linkage and more. pic.twitter.com/IIuAK0GkoQ

  — Narendra Modi (@narendramodi) September 8, 2023

ଏକ୍ସରେ ପ୍ରଧାନମନ୍ତ୍ରୀ କହିଛନ୍ତି ଯେ, ପ୍ରଧାନମନ୍ତ୍ରୀ ଶେଖ ହାସିନାଙ୍କ ସହ ଆଲୋଚନା ସଫଳ ହୋଇଛି । ଗତ 9 ବର୍ଷ ମଧ୍ୟରେ ଭାରତ-ବାଂଲାଦେଶ ମଧ୍ୟରେ ସମ୍ପର୍କ ଦୃଢ ହୋଇଛି, ଯାହା ଅତ୍ୟନ୍ତ ଖୁସିର ବିଷୟ । ଯୋଗାଯୋଗ, ବାଣିଜ୍ୟିକ ଏବଂ ଅନ୍ୟାନ୍ୟ ବିଷୟ ଉପରେ ଆଲୋଚନା ହୋଇଛି ।

ସେହିପରି ଦୁଇ ଦେଶ ମଧ୍ୟରେ ଡିଜିଟାଲ୍ ପେମେଣ୍ଟ ମେକାନିଜିମରେ ସହଯୋଗ ସମେତ ତିନୋଟି ବୁଝାମଣାପତ୍ର ସ୍ୱାକ୍ଷର ହୋଇଛି । ଡିଜିଟାଲ୍ ପେମେଣ୍ଟ ମେକାନିଜିମ ସହଯୋଗ ଉପରେ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ ଏବଂ ବାଂଲାଦେଶ ବ୍ୟାଙ୍କ ମଧ୍ୟରେ ଏକ ଚୁକ୍ତି ସ୍ୱାକ୍ଷରିତ ହୋଇଥିବା ବୈଦେଶିକ ବ୍ୟାପାର ମନ୍ତ୍ରଣାଳୟ ପକ୍ଷରୁ ଏକ ବିଜ୍ଞପ୍ତି ଜାରି କରି କୁହାଯାଇଛି । ଭାରତ ଏବଂ ବାଂଲାଦେଶ ମଧ୍ୟରେ ସାଂସ୍କୃତିକ ବିନିମୟ କାର୍ଯ୍ୟକ୍ରମ ଓ ଭାରତୀୟ କୃଷି ଅନୁସନ୍ଧାନ ପରିଷଦ ଏବଂ ବାଂଲାଦେଶ କୃଷି ଅନୁସନ୍ଧାନ ପରିଷଦ ମଧ୍ୟରେ ଚୁକ୍ତି ସ୍ୱାକ୍ଷରିତ ହୋଇଛି ।

ରାଜନୈତିକ ଏବଂ ସୁରକ୍ଷା ସହଯୋଗ, ସୀମା ପରିଚାଳନା, ଜଳ ସମ୍ପଦ, ପାୱାର ଏବଂ ଏନର୍ଜି, ବିକାଶ ସହଯୋଗ, ସାଂସ୍କୃତିକ ଏବଂ ଲୋକଙ୍କ ସହ ସମ୍ପର୍କ ସହିତ ଦ୍ୱିପାକ୍ଷିକ ସହଯୋଗର ସମ୍ପୂର୍ଣ୍ଣ କାର୍ଯ୍ୟ ଉପରେ ଦୁଇ ନେତାଙ୍କ ମଧ୍ୟରେ ଆଲୋଚନା ହୋଇଥିଲା । ବିକାଶ ସହଯୋଗ ପ୍ରକଳ୍ପର କାର୍ଯ୍ୟାନ୍ୱୟନରେ ସନ୍ତୋଷ ବ୍ୟକ୍ତ କରି ଦୁଇ ନେତାଙ୍କ ମଧ୍ୟରେ ପ୍ରକଳ୍ପ ଗୁଡ଼ିକର ମିଳିତ ଉଦଘାଟନ ପାଇଁ ସହମତି ପ୍ରକାଶ କରିଥିଲେ । ଅଗରତାଲା-ଅଖରୁଆ ରେଳ ଲିଙ୍କ, ମୈତ୍ରୀ ପାୱାର ପ୍ଲାଣ୍ଟର ୟୁନିଟ୍-2, ଖୁଲନା-ମୋଙ୍ଗଲା ରେଳ ଲିଙ୍କ ଆଗକୁ ଉଦଘାଟନ କରାଯିବ । ଶେଖ ହାସିନା ପ୍ରଧାନମନ୍ତ୍ରୀ ମୋଦିଙ୍କୁ ଆତିଥ୍ୟ ପାଇଁ ଧନ୍ୟବାଦ ଜଣାଇଥିଲେ । ଏହା ସହିତ ଦୁଇ ନେତା ଆଗକୁ ମଧ୍ୟ ସବୁ ସ୍ତରରେ ପାରସ୍ପରିକ ଆଲୋଚନା ଜାରି ରଖିବାକୁ ଆଶା ପ୍ରକାଶ କରିଛନ୍ତି ।