ମୁମ୍ବାଇ: ବିରୋଧୀ ମହାମେଣ୍ଟ 'ଇଣ୍ଡିଆ'ର ତୃତୀୟ ବୈଠକ ଶୁକ୍ରବାର ମୁମ୍ବାଇରେ ଅନୁଷ୍ଠିତ ହୋଇଛି । ଏହି ବୈଠକରେ ମୋଦି ସରକାର ଉପରେ ବର୍ଷିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧୀ । ଦୁର୍ନୀତି ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିଜେପି ବନ୍ଧା ବୋଲି କହିଛନ୍ତି ରାହୁଲ । ଆଦାନୀ ପ୍ରସଙ୍ଗ ଉଠାଇ ରାହୁଲ ଏପରି କହିବା ସହିତ ଏହି ପ୍ରସଙ୍ଗରେ ପୁଣି ତଦନ୍ତ ଲାଗି ସେ ଦାବି କରିଛନ୍ତି । ଜି-୨୦ ସମ୍ମିଳନୀ ପୂର୍ବରୁ ମୋଦି ସରକାର ନିଜ ସ୍ବଚ୍ଛତା ପରିପ୍ରକାଶ କରି ଏହା ଉପରେ ମୁହଁ ଖୋଲନ୍ତୁ ବୋଲି ଦାବି କରିଛନ୍ତି ରାହୁଲ ।
ଏନେଇ ରାହୁଲ କହିଛନ୍ତି, "ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଜଣେ ଶିଳ୍ପପତି (ଆଦାନୀ)ଙ୍କ ସହିତ ଥିବା ସମ୍ପର୍କକୁ ପ୍ରତିଟି ଭାରତୀୟ ଦେଖିପାରୁଛନ୍ତି । ମୁଁ ଗତକାଲି ପ୍ରେସ କନଫରେନ୍ସରେ ଯେପରି କହିଥିଲି ଆଗକୁ G-20 ସମ୍ମିଳନୀ ଅନୁଷ୍ଠିତ ହେବ । ପ୍ରଧାନମନ୍ତ୍ରୀ ଭାରତ ତଥା ଦେଶର ବିଶ୍ବସନୀୟତା, ସଚ୍ଚୋଟତା ଦର୍ଶାଇ ଏହା ଉପରେ ନିଜର ମତ ରଖନ୍ତୁ ଏବଂ ଆଦାନୀ ପ୍ରସଙ୍ଗରେ ତଦନ୍ତ ଲାଗି ନିର୍ଦ୍ଦେଶ ଦିଅନ୍ତୁ ।" ସେ ଆହୁରି କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ଓ ବିଜେପି ଦୁର୍ନୀତି ସହିତ ବନ୍ଧା । ବିରୋଧୀ ମହାମେଣ୍ଟ 'ଇଣ୍ଡିଆ' ପ୍ରଥମେ ଏହାକୁ ପ୍ରମାଣିତ କରିବ ।
ଏହା ବି ପଢନ୍ତୁ- Opposition Meet: ଆଦାନୀ ପ୍ରସଙ୍ଗ ଉଠାଇଲେ ରାହୁଲ, ପଚାରିଲେ ପ୍ରଧାନମନ୍ତ୍ରୀ କାହିଁକି ନୀରବ ?
