IED ବିସ୍ଫୋରଣ: 2 CRPF ଯବାନ ଆହତ

ଛତିଶଗଡ ବିଜାପୁର ଅଞ୍ଚଳରେ IED ବିସ୍ଫୋରଣରେ 2 ଜଣ ସିଆରପିଏଫ ଯବାନ ଆହତ ହୋଇଛନ୍ତି । ଅଧିକ ପଢନ୍ତୁ

ରାୟପୁର: ଛତିଶଡ ବିଜାପୁରରେ ଆଇଡି ବିସ୍ଫୋରଣ ହୋଇଛି । ଏଥିରେ 2ଜଣ ସିଆରପିଏଫ ଯବାନ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ନକ୍ସଲ ଏକ ବଡ ଧରଣର ଯୋଜନା କରିଥିବା ଅନୁମାନ କରାଯାଉଛି । ଆହତ ଦୁଇ ଯବାନ ସିଆରଫିଏଫ 85 ବାଟାଲିୟନର। ଉଭୟଙ୍କୁ ବିଜାପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ସେମାନଙ୍କୁ ରାୟପୁର ସ୍ଥାନାନ୍ତରିତ କରାଯାଇଛି । ସୌଭାଗ୍ୟବଶତଃ ଯବାନଙ୍କର ବିଶେଷ କ୍ଷତି ହୋଇନାହିଁ । ବର୍ତ୍ତମାନ ଉଭୟ ଚିକିତ୍ସିତ ହେଉଛନ୍ତି ।

• Two jawans of CRPF 85BN got injured in a pressure IED blast planted by Naxals in the Bijapur district. They are being airlifted to Raipur after giving primary treatment: Chhattisgarh Police

  — ANI MP/CG/Rajasthan (@ANI_MP_CG_RJ) June 5, 2023 " class="align-text-top noRightClick twitterSection" data="

  Two jawans of CRPF 85BN got injured in a pressure IED blast planted by Naxals in the Bijapur district. They are being airlifted to Raipur after giving primary treatment: Chhattisgarh Police

  — ANI MP/CG/Rajasthan (@ANI_MP_CG_RJ) June 5, 2023

  ">

  Two jawans of CRPF 85BN got injured in a pressure IED blast planted by Naxals in the Bijapur district. They are being airlifted to Raipur after giving primary treatment: Chhattisgarh Police

  — ANI MP/CG/Rajasthan (@ANI_MP_CG_RJ) June 5, 2023

ଆଇଡି ବିସ୍ଫୋରଣ ନେଇ ବିଜାପୁର ଏସପି ଅଞ୍ଜନେୟ ଭାସନେ କହିଛନ୍ତି,'' ବିଜାଲୁର ଗଙ୍ଗାଲୁର ଥାନା ଅଞ୍ଚଳରେ ଘଟଣା ଘଟିଛି । ନକ୍ସଲମାନେ ଏହି ଆଇଡି ଲଗାଇଥିଲେ । ଯବାନଙ୍କୁ ରାୟପୁର ଏୟାରଲିଫ୍ଟ କରାଯାଇଛି । ସକାଳ ପ୍ରାୟ 10ଟା 30ରେ ବିସ୍ଫୋରଣ ହୋଇଥିଲା । ପୁସନାର କ୍ୟାମ୍ପରୁ ଅପରେସନରେ ବାହାରିଥିଲେ ଯବାନ । ବଡ ଧରଣର ବିସ୍ଫୋରଣ ଘଟାଇବାକୁ ଯୋଜନା କରିଥିଲେ ନକ୍ସଲ । ''

ପ୍ରକାଶଥାଉ କି, ଗତ ଏପ୍ରିଲ 26ରେ ଦନ୍ତେୱାଡା ଆରନପୁର ଥାନା ଅଧୀନରେ ନକ୍ସଲ ଆକ୍ରମଣରେ 10ଜଣ ଯବାନ ଶହୀଦ ହୋଇଥିଲେ । ଶହୀଦ ଯବାନମାନେ ଜିଲ୍ଲା ରିଜର୍ଭ ଗାର୍ଡ (DRG)ର ଯବାନ ଓ ସେମାନେ ଏକ କମ୍ବିଂ ଅପରେସନରେ ବାହାରିଥିଲେ । ଏହି ସମୟରେ ନକ୍ସଲ ଆକ୍ରମଣର ଶିକାର ହୋଇଥିଲେ । ଆରନପୁର ଜଙ୍ଗଲ ରାସ୍ତରେ ଆଇଡି ଖଞ୍ଜିଥିଲେ ନକ୍ସଲ । ଜିଲ୍ଲା ରିଜର୍ଭ ଫୋର୍ସ ଯବାନଙ୍କୁ ନେଇ ଯାଉଥିବା ଭ୍ୟାନ ବିସ୍ଫୋରଣରେ ଉଡିଯାଇଥିଲା । ନିକଟ ଅତୀତରେ ମଧ୍ୟ ବିଜାପୁର ଓ ସୁକମାରେ ଏକାଧିକ ମାଓ ହମଲାର ନଜିର ରହିଛି । କିଛି ଦିନର ବ୍ୟବଧାନ ପରେ ଆଜି ପୁଣି ନକ୍ସଲମାନେ ଆଇଡି ବିସ୍ଫୋରଣ କରିଛନ୍ତି ।

ବ୍ୟାପକ ନକ୍ସଲ ବିରୋଧୀ ଅପରେସନ ସତ୍ତ୍ବେ ମଧ୍ୟ ଛତିଶଗଡର ଦନ୍ତେଓ୍ବାଡା, ସୁକମା ଓ ବିଜାପୁର ପରି ଅଞ୍ଚଳକୁ ନକ୍ସଲଙ୍କ ପ୍ରଭାବରୁ ମୁକ୍ତ କରାଯାଇ ପାରିନାହିଁ । କେନ୍ଦ୍ରୀୟ ଓ ଜିଲ୍ଲା ପୋଲିସ ଫୋର୍ସ ସହ ନିୟମିତ କମ୍ବିଂ ଅପରେସନ କରାଯାଉଛି । ନକ୍ସଲମାନେ ମଧ୍ୟ ସେମାନଙ୍କ ଉପସ୍ଥିତି ଓ ପ୍ରଭାବ ହାଜିର କରିବା ପାଇଁ ପୋଲିସ ଫୋର୍ସକୁ ଟାର୍ଗେଟ କରୁଛନ୍ତି । ପୁଣି ଆଇଡି ଖଞ୍ଜି ଏକ ବଡ ଧରଣର ବିସ୍ଫୋରଣ କରିବାକୁ ଟାର୍ଗେଟ କରିଥିଲେ ।