ନୂଆଦିଲ୍ଲୀ: ଟିକା ଆବଣ୍ଟନକୁ ନେଇ ସରକାରଙ୍କ ବଡ ପରିବର୍ତ୍ତନ । ଘରୋଇ ହସ୍ପିଟାଲ ପାଇଁ ୨୫ ପ୍ରତିଶତ ଟିକା ନରଖିବାକୁ ଟିକା କମ୍ପାନୀମାନଙ୍କୁ ନିର୍ଦ୍ଦେଶ ଦେଇଛନ୍ତି ସରକାର । ଘରୋଇ ଡାକ୍ତରଖାନାରେ କୋରୋନା ଟୀକାକରଣର ମନ୍ଥର ଗତିକୁ ଦୃଷ୍ଟିରେ ରଖି ସରକାର ଏଭଳି ନିଷ୍ପତ୍ତି ନେଇଛନ୍ତି । ଏହାସହ ସରକାର କହିଛନ୍ତି କି ଟିକା ନିର୍ମାତା କମ୍ପାନୀମାନେ ଯେତିକି ପରିମାଣର ଟିକା କିଣିବାକୁ ଚାହୁଁଛନ୍ତି କେବଳ ସେମାନଙ୍କୁ ସେତିକି ପରିମାଣର ଟିକା ଦିଆଯାଉ । ଏହାସହ ସେମାନଙ୍କ କୋଟାରୁ ବଞ୍ଚୁଥିବା ଟିକାର 7 ରୁ 9 ପ୍ରତିଶତ ଟିକାକୁ ସରକାରୀ ଟୀକାକରଣ କେନ୍ଦ୍ରଙ୍କୁ ଦେବା ପାଇଁ ଟିକା ନିର୍ମାତା କମ୍ପାନୀମାନଙ୍କୁ ସରକାର ନିର୍ଦ୍ଦେଶ ଦେଇଛନ୍ତି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟା ନିଜେ ରାଜ୍ୟସଭାରେ ଏହି ସୂଚନା ଦେଇଛନ୍ତି।
ବେସରକାରୀ ଡାକ୍ତରଖାନା ପାଇଁ 25 ପ୍ରତିଶତ ଟିକା ସଂରକ୍ଷଣ କରିବା ପାଇଁ ଟିକା ଉତ୍ପାଦନକାରୀ କମ୍ପାନୀଗୁଡିକର ବାଧ୍ୟତାମୂଳତାକୁ ଦୂର କରାଯିବ। ଗତ ଦୁଇ-ତିନି ମାସ ମଧ୍ୟରେ ଘରୋଇ ହସ୍ପିଟାଲରେ ଟୀକାକରଣର ମନ୍ଥର ଗତିକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି ।
ବିଜେପି ସାଂସଦ ସୁଶୀଲ କୁମାର ମୋଦୀ ମଙ୍ଗଳବାର ଦିନ ଘରୋଇ ଡାକ୍ତରଖାନା ପାଇଁ ଟିକା କୋଟା ହ୍ରାସ କରିବାକୁ ସରକାରଙ୍କୁ ପ୍ରଶ୍ନ କରିଥିଲେ। ଏହା ଉତ୍ତରରେ ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟା କହିଛନ୍ତି ଯେ, ଏହାକୁ ହ୍ରାସ କରିବାର କୌଣସି ଆବଶ୍ୟକତା ନାହିଁ । କାରଣ କେନ୍ଦ୍ର ସରକାର, ସରକାରୀ ଡାକ୍ତରଖାନାଗୁଡ଼ିକରେ ଘରୋଇ ଡାକ୍ତରଖାନା ବ୍ୟବହାର କରୁନଥିବା ଟିକା ବ୍ୟବହାର କରୁଛନ୍ତି। ଏହାର ଅର୍ଥ ହେଉଛି ଯେ, ଘରୋଇ ଡାକ୍ତରଖାନାଗୁଡ଼ିକୁ ସେମାନଙ୍କର ଚାହିଦା ଆଧାରରେ ଯୋଗାଇ ଦିଆଯିବ ଏବଂ ଅବଶିଷ୍ଟ ଟିକା ସରକାରଙ୍କ ଦ୍ୱାରା ପରିଚାଳିତ ମାଗଣା ଟୀକାକରଣ ଅଭିଯାନରେ ବ୍ୟବହୃତ ହେବ।
ଆମେ ଆପଣଙ୍କୁ କହି ରଖୁଛୁ ଯେ, ବହୁ ରାଜ୍ୟର ମୁଖ୍ୟମନ୍ତ୍ରୀ ମଧ୍ୟ ପ୍ରଧାନମନ୍ତ୍ରୀ ମୋଦିଙ୍କୁ ନିବେଦନ କରିଥିଲେ ଯେ, ବେସରକାରୀ ସଂସ୍ଥାକୁ 25 ପ୍ରତିଶତ ଟିକା ବଣ୍ଟନ କରିବାର ନିୟମ ପରିବର୍ତ୍ତନ କରନ୍ତୁ । କାରଣ ସେମାନଙ୍କର ବ୍ୟବହାର 25 ପ୍ରତିଶତରୁ କମ୍ ଥିଲା। ପ୍ରକାଶଥାଉକି, ଦେଶରେ ତିଆରି କୋରୋନା ଟିକା ମଧ୍ୟରୁ 75 ପ୍ରତିଶତ କେନ୍ଦ୍ର ସରକାର କିଣିଥିବା ବେଳେ 25 ପ୍ରତିଶତ ଘରୋଇ କ୍ଷେତ୍ର ପାଇଁ ଆବଣ୍ଟିତ ହୋଇଥିଲା ।
